Groznıy -- Çeçnyä prezidentı Alu Alxanov respublika başlığı Sergey Abramovnıñ eşennän kitüen qabul itte. Bu xaqta uzğan yıl noyaber ayında yul qazasına oçrap, xäzer inde üzeneñ sälämätlegenä zarlanğan Abramov, üteneçen beldergän ide. Çeçnä prezidentı yaña premier-ministrnı irtägä, respublikanıñ xalıq cıyılışına täqdim itärgä tieş. Anıñ süzlärenä qarağanda, isemlektä ber genä keşe bar. Alxanov anıñ isemen älegä atamadı. Küpçelek belgeçlär fikerençä, Çeçnäneñ premier-ministrı Ramzan Qadırov bulaçaq.
