Şahitlär äytüenä qarağanda, generalğa tözägän mäñgärneñ ni barı berniçä sekund waqıtı bulğan. 14 xärbi maşina ozatuında general Äl-Dulaimi ştabqa qaytqan, maşinadan çığıp kaska kigän arada mäñgär anıñ başına atqan. Belgeçlär fikerençä, mäñgärdä generlanıñ küçep yörüe turında tögäl mäğlümät bulğan. Londonda çığa torğan Jane''s Dönya Armiäläre isemle jurnalnıñ elekke möhärrire Charles Heyman "Tögäl närsä bulğanın älegä berkem dä belmi, monı açıqlaw öçen waqıt kiräk bulaçaq. Läkin bu oçraqlı atu tügel, ixtimal, aldan äzerlängän, eçke mäglümät nigezendä", dide.
Çığışı belän sönni bulğan general Äl-Dulaimi, amerikan ğäskärläre basıp kergännän birle, Ğiraqta üterelgän iñ yuğarı däräcäle xärbi buldı. Ul citärklgän 10 meñ şsäkäridän torğan 6nçı diviziä iñ köçlelärdän sanala ide.
Generalnı kem ütergän digän sorawğa älegä berkem dä cawap birä almıy. Härxäldä, anıñ doşmannarı citärlek bulğan. İsemlek başında şul uq ğisyançılar. 6nçı diviziä Bagdadnıñ ber öleşendä iminlek öçen cawap birgän. Soñraq mäzhäbara bäreleşlärne bastıruğa cibärelgän. Bu bäreleşlärdä yözlägän keşe häläk buldı. Dimäk, generlanı üterüçelär - şiğilär dä, sönnilär dä bula ala. Nixayät, Dulaimine, armiä, yä xökümät eçendäge köndäşläre ütergän bulırğa mömkin, digän farazlar bar.
Xäzer Ğiraqta, törle törkemnär arasında xökümättäge urınnar öçen köräş bara. Düşämbedä Prezidnet Calal Talabani Parlamentnıñ xökümät tözügä bağışlanğan utırışın Martnıñ 12sendä ütkärergä täqdim itte. Sişämbedä xakimittäge şiğilär berlege utırışnı berniçä köngä kiçekterergä çaqırdı.
Belgeçlär monı kiläse premier-ministr tiräsendä barğan köräş belän añlata. Kördlär häm sönnilär, xäzerge premier İbrahim Äl-Cäğfäri wazifasın başqara almadı dip belderä, häm anıñ tağın ber möddätkä qaluına qarşı çığa.
Ul arada räsmi Washington general Äl-Dulaimineñ üleme uñayınnan qayğısın belderde. Amerikan ğäskärläreneñ Ğiraqtağı citäkçese general George Casey, bu qayğı 6nçı diviziäne Bagdad qalasında iminlek täemin itü wazifasınnan tuqtata almıy, dip belderde.
Ali Gilmi
Çığışı belän sönni bulğan general Äl-Dulaimi, amerikan ğäskärläre basıp kergännän birle, Ğiraqta üterelgän iñ yuğarı däräcäle xärbi buldı. Ul citärklgän 10 meñ şsäkäridän torğan 6nçı diviziä iñ köçlelärdän sanala ide.
Generalnı kem ütergän digän sorawğa älegä berkem dä cawap birä almıy. Härxäldä, anıñ doşmannarı citärlek bulğan. İsemlek başında şul uq ğisyançılar. 6nçı diviziä Bagdadnıñ ber öleşendä iminlek öçen cawap birgän. Soñraq mäzhäbara bäreleşlärne bastıruğa cibärelgän. Bu bäreleşlärdä yözlägän keşe häläk buldı. Dimäk, generlanı üterüçelär - şiğilär dä, sönnilär dä bula ala. Nixayät, Dulaimine, armiä, yä xökümät eçendäge köndäşläre ütergän bulırğa mömkin, digän farazlar bar.
Xäzer Ğiraqta, törle törkemnär arasında xökümättäge urınnar öçen köräş bara. Düşämbedä Prezidnet Calal Talabani Parlamentnıñ xökümät tözügä bağışlanğan utırışın Martnıñ 12sendä ütkärergä täqdim itte. Sişämbedä xakimittäge şiğilär berlege utırışnı berniçä köngä kiçekterergä çaqırdı.
Belgeçlär monı kiläse premier-ministr tiräsendä barğan köräş belän añlata. Kördlär häm sönnilär, xäzerge premier İbrahim Äl-Cäğfäri wazifasın başqara almadı dip belderä, häm anıñ tağın ber möddätkä qaluına qarşı çığa.
Ul arada räsmi Washington general Äl-Dulaimineñ üleme uñayınnan qayğısın belderde. Amerikan ğäskärläreneñ Ğiraqtağı citäkçese general George Casey, bu qayğı 6nçı diviziäne Bagdad qalasında iminlek täemin itü wazifasınnan tuqtata almıy, dip belderde.
Ali Gilmi