Accessibility links

Кайнар хәбәр

Rusia müftilär şurası armiädä poplar buldıruğa qarşı


Rusiäneñ soñğı yıllardağı säyäsätenä österäp-österäp dinne kertergä tırışalar. Älbättä urıs dine- prawaslawnı. Nu moña qarşı başqa dinnär çığa. Möselmannar da şul isäptän. Çönki, Rusiä konstitutsiäsendä, berençedän din däwlättän ayırılğan dip äytelgän, ikençedän, zakon qarşında bböten dinnärdä bertigez. Läkin, kem äytmeşli, süz başqa, eş başqa. Rusiä mäktäplärenä ber dinne- prawaslaw dine kul'turasın mäcbüri uqıtırğa kiräk digännäre ber dinne östen quyularnıñ misalı bulıp tora. Möselmannar moña qarşı çıqtı. Çönki, mäktäplärdä urıs balaları ğına tügel, ä tatarlar da uqıy. Möselmannar da yänäse. Alar üz din mädäniätlären belmäskä tieşme.. Monnan tış, başqa millät balalarına da başqa dinnären belep toru mişäyt itmäs ide. Möselman liderlarınıñ cawabı şundıy buldı. Qayber töbäklärne sanamağanda, äle Bu prawaslaw dine mädäniäte fäne mäktäplärgä kertelmi qaldı. Ozaqqamı… Här xäldä, din ähelläre tınıçlanmadı äle. Dimäk, mä’sälä kön qadağında qala birä. İnde moña ikençese östälde. Rusiä armiäsenä urıs din ähellären kertü.

Rusiä möftiläre şurası, bu ike mä’sälägä qarata cıyılış uzdırdı bu könnärdä, Mäskäwdä. Şuranıñ räise Rawil Ğäynetdin Azatlıqqa Rusiä armiäsendä poplar buldıru belän kileşmägänlegen, bu xaqta qanun proyektın äzerlägändä, barı tik urıs çirkäwe ähelläre belän genä eş yörtelgänen belderde. Mäktäplärgä urıs dine mädäniäte fänen kertügä, häm inde armiägä poplar cibärü ixtimalına qarata, Rusiä möftilär şurası nindi qarağa kilgän soñ. Rawil Ğäynetdin Azatlıqqa ul xaqta menä närsä dide.

Аudio

Möfti Rawil Ğäynetdin buldı. Ul bu xaqta, rusiä möftiläre şurasınıñ qaraların räsmi orğannarğa yullanılaçağın äytte.

Elegräk, Rusiäneñ tağın ber möftie, Tälğät Tacetdin, mäktäplärdä urıs dine tarixın uqıtunı da, armiädä poplar bulunı da yaqlap çıqqan ide. Rusiä möftilär şurası, Tälğät Tacetdin belän bu mä’sälädä añlaşır öçen, maxsus törkem buldırğan . Tacetdin belän Tatarstan möftie Ğosman İsxaqıy oçraşaçaq häm Rusiä möftiläre şurası fikerenä künderergä tırışaçaq ikän.

Räfis Cämdixan

XS
SM
MD
LG