Accessibility links

Кайнар хәбәр

Tatarstanda rişwät aluçılar totılğan


İktisad ölkäsendä cinäyätlär belän şögellänüçe idärä xemztkärläre , 15 mart könne, matbuğat oçraşuın ütkärde. 16 martta şuşı idäräneñ oyışqan köne ikän, şuña bäyräm aldınnan, xezmätkärlär rişwät alu, yalğan aqça yasaw, budjettan aqça urlawçılar turında küpmeder mäğlümatlar belän büleşergä buldı. 2005 yıl digändä berençe itep, Qazannıñ 1000 yıllığı waqiğası iskä töşä. İktisadi cinäyätlärne tikşerüçelär öçen dä meñ yıllıq belän bäyle eşlär istälekle bulğan. Matbuğat oçraşuında, 1000 yıllıq bäyrämenä bülenep birelgän aqçalarnı döres qullanmaw oçraqları açıqlandı, dip iğlan itelde. Mäsälän, yaña hippodrom , metro tözeleşläre, Musa Cälil teatrı, Üzäk stadionnı yañartu öçen bülep birelgän aqçalarnı üzläşterü, tieşle maqsätlarda qullanmaw faktları açıqlanğan.Tikşerüçelär cinayät eşlären açqan, ämma älegä ber eş tä mäxkämägä qädär barıp citmägän. 1000 yıllıq tözeleşlären alıp barğan citäkçelek aqçanı tieşle maqsatqa qullanmawda gäyeplänä, dip xäbär itte matbuğat oşaşuında iktisadi cinayätlär belän köräş idäräse wäkile. Jurnalistlar aldında çığış yasağan idärä räise urınbasarı Rinat Ğäynedinv notıq totqanda, rişwät alğanda totılğan çinovniklar turında da söyläde.. Alar arasında iñ zur wazifadağısı – rayon başlığı urınbasarı. Barlığı rişwätçelek mäsäläsendä 276 keşe cawaplıqqa tartılğan ikän. Jurnalistrlar, rayonğı ğına tügel, ä yuğarıraq däräcädä rişwät almıylar mällä, nigä bu xatqa ätmibez, dip qızıqsındılar. Rinat Ğäynetdinov, keşelär bik xäbär itmilär, bez andıy xällärne açıqlarğa tırışırbız. Matbuğat oçraşuında iğlan itelgänçä, uzğan yılda 13 zur häm ayıruça zur külämdä aqça üzläşterü oçraqları terkälgän. Bu İdel buyı federal okrugında terkälgän zur 69 cinayätlär isemlegenä kertelgän ikän. İktisadi cinayätlär belän köräş idäräse wäkilläre süzlärençä, rişwätçelek cämğiäteñ böten taqmaqlarına ütep kergän. Ämma rişwätçelek oçraqları iñ kübe, tözeleş häm cir bülep birügä qağılışlı oyışmalarda terkälgän. Mäsälän, Alekseysevskiy rayonda, çinovniklar üz ara söyläşep, eşmäkärlärne, rişwät birügä mäcbür itkännär. Häm şundıy xällär, biznes belän däwlät oyışmaları kiseşkän küpçelek cirlärdä küzätelä.

XS
SM
MD
LG