"Yäşä Belarus! Yäşä Belarus!" dip qıçqıra protest belderüçelär. Minskinıň Üktäber mäydanına distä meň keşe kilgän. Soñğı berniçä yılda bu Belarus oppozitsiäseneñ iñ ere çarası buldı. Radiobıznıň Belarus bülege citäkçese Aleksandr Lukaşuk mäydannan bolarnı xäbär itte: "Xalıq bik küp, yäşlär küp. Tirä yaqta yäş, matur yözlär. Aqlı-qızıllı Belarus elämnäre, zäňgär-sarı Ukraina, Europa Berlege, Zubr xäräkäte bayraqları."
Protest belderüçelär belän tärtip saqlawçılar arasında çualışlar turında xäbär itelmi. Gärçä mäydan tiräsenä zur sanda xärbilär kiterelgän. Merto häm avtobus xäräkäte tuqtatılğan.
İrtä belän prezident Lukaşenka Belarusta inqilap bulmayaçaq dip kisätte häm fetnä oyıştırırğa teläwçelärneň "muyının borırğa" wäğdä itte.
Ämmä protest belderüçelärne bu yanawlar qurqıtmağan axrı. "Bu minem watanım, ägär min üz watanımda yäşärgä qurqam ikän, bu keşe öçen iň yaman närsä", di mäydanğa kilgän bu xanım.
Düşämbegä qarşı töndä Üzäk saylaw komissiäse berençel räsmi näticälärne iğlan itte. Bu näticälärgä kürä Lukaşenka tawışlarnıň 82.6%-ın cıyğan. Oppozitsiä namäzte Aleksandr Milinkeviç - 6%. Qalğan ike namzät, xakimiät taraflı deputat Serhei Haydukoviç - 3.5, tağın ber oppozitsiä namzäte Aleksandr Kazulin - 2.3% cıyğan.
Komissiä räise Lidiä Yarmoşina, Aleksandr Lukaşenkanıñ 3nçe möddätkä Belarus prezidentı bulıp saylanuın iğlan itte.
Oppozitsiä namäzte Aleksandr Milinkeviç bu räsmi sannarnı xärämläşü dip atadı. Oppozitsiäneñ üz mäglümätenä qarağanda, Lukaşenka 47, Milinkeviç 30% çaması cıyğan.
"Nindi genä kölkele sannar äytmäsennär, bez ciñdek. Çönki keşelär ireklek, ğädellek öçen köräşep buluın añladı. Alarnı niçek kenä quqırtmadılar, ä alar kilde. Bu zur ciñü, üzeñne, qurqunı ciñü", di Milinkeviç.
Milinkeviç qabat saylawlar taläp itergä cıyına. Oppozitsiä citäkçeläre düşämbe kiç yaña qarşılıq çaraları ütkärergä çaqırdı.
Ali Gilmi
Protest belderüçelär belän tärtip saqlawçılar arasında çualışlar turında xäbär itelmi. Gärçä mäydan tiräsenä zur sanda xärbilär kiterelgän. Merto häm avtobus xäräkäte tuqtatılğan.
İrtä belän prezident Lukaşenka Belarusta inqilap bulmayaçaq dip kisätte häm fetnä oyıştırırğa teläwçelärneň "muyının borırğa" wäğdä itte.
Ämmä protest belderüçelärne bu yanawlar qurqıtmağan axrı. "Bu minem watanım, ägär min üz watanımda yäşärgä qurqam ikän, bu keşe öçen iň yaman närsä", di mäydanğa kilgän bu xanım.
Düşämbegä qarşı töndä Üzäk saylaw komissiäse berençel räsmi näticälärne iğlan itte. Bu näticälärgä kürä Lukaşenka tawışlarnıň 82.6%-ın cıyğan. Oppozitsiä namäzte Aleksandr Milinkeviç - 6%. Qalğan ike namzät, xakimiät taraflı deputat Serhei Haydukoviç - 3.5, tağın ber oppozitsiä namzäte Aleksandr Kazulin - 2.3% cıyğan.
Komissiä räise Lidiä Yarmoşina, Aleksandr Lukaşenkanıñ 3nçe möddätkä Belarus prezidentı bulıp saylanuın iğlan itte.
Oppozitsiä namäzte Aleksandr Milinkeviç bu räsmi sannarnı xärämläşü dip atadı. Oppozitsiäneñ üz mäglümätenä qarağanda, Lukaşenka 47, Milinkeviç 30% çaması cıyğan.
"Nindi genä kölkele sannar äytmäsennär, bez ciñdek. Çönki keşelär ireklek, ğädellek öçen köräşep buluın añladı. Alarnı niçek kenä quqırtmadılar, ä alar kilde. Bu zur ciñü, üzeñne, qurqunı ciñü", di Milinkeviç.
Milinkeviç qabat saylawlar taläp itergä cıyına. Oppozitsiä citäkçeläre düşämbe kiç yaña qarşılıq çaraları ütkärergä çaqırdı.
Ali Gilmi