Yäkşämbedä ütkän prezident saylawlarına protest belderep, Minskinıñ üzäk mäydanında 5 täwlek buyına kizü torğan oppozitsiä aktivistların Belarus militsiäse comğağa qarşı töndä kilep maxsus maşinalarğa töyäp alıp kitkän. Köç qullanular bulmağan dielä, militsiä tawış köçäytkeşlär aşa alarnı tınıç qına maşinalarğa utırırığa çaqırğan.
Qulğa alınuçılar sanın tögäl berkem dä belmi, bu turıda räsmi belderülär yuq, oppozitsiä citäkçeläre 200 belän 400 arasında dip sanıy. Bügen militsiä bülege yanında qulğa alınğan ber yegetneñ änise Liliä xanım "Qayda ikänen dä belmim, bezgä isemlek birmilär, telefonnı aluçı yuq, härxäldä monda dilär, dde.
Xäzer qulğa alınuçılar röxsät itelmägän çarada qatnaşuda ğäyeplänep mäxkämä aldına basır dip kötelä, alarğa 10-15 kön irektän mäxrüm itelü yanıy.
Şulay itep, qarşılıq ğämäle tämam, Belarus oppozitsiäse üz maqsatına ireşä almadı dip äytergä bulamı? Radiobıznıñ töbäk belgeçe Jan Maksimuk: "Minemçä, protest çaraları Belarusta säyäsi wazğiätne üzgärtte. Keşelär uramğa çığudan azraq qurqa başladı. Belarus oppozitsiäseneñ uramğa çığudan başqa çarası yuq, parlamentta da, cirle xakimiättä dä alarnıñ wäkilläre yuq. Xäzer uram cıyınnarın oyıştıru ciñelräk bulaçaq. Oppozitsiäneñ ciñüe turında söyläsäk, berençe çiratta bu Belarustağı quqru xisen ciñü."
Qulğa alınuçılar arasında oppozitsiä namzäte Aleksandr Milinkeviçnıñ 20 yäşlek ulı da bar. Militsiäneñ soñğı ğämälen ul xalıq fikeren köç belän bastıru dip atadı. "Bu xakimiätneñ kiläçäge yuq. Bügenge dönyada qılıçqa tayanıp cämğiät tözep bulmıy. Bu 18nçe ğasır tügel, häm bu Lukaşenka patşalığı tügel. Hiççiksez, ul bankrot", di Aleksandr Milinkeviç.
Oppozitsiä şimbä könne kiñ külämle qarşılıq çarası ütkärmäkçe ide. Milinkeviç süzlärençä, alar bu niättän äle baş tartmağan, başqa citäkçelär belän oçraşıp ul alğa taba xäräkät itü yulların tikşeräçäk.
Comğa könne Yewropa Berlege Belarustağı soñğı xällärgä kisken tänqıt belderde. Berlektä räislek itkän Austria Tışqı eşlär ministrı Ursula Plassnik "Bez qulğa alınğannarnıñ barısın da kiçekmästän azat itergä taläp itäbez. Belarus räsmilären tınıç protest belderüçelärgä qarşı köç qullanmasqa çaqırabız", dide.
Comğa könne Brusseldä ütkän oçraşuda Berlek citäkçeläre Belraus räsmilärenä, şul isäptän prezident Aleksandr Lukaşenkağa qarata yaña çikläwlär kertergä qarar itte. Bu çikläwlärneñ nindi bulaçağı älegä açıqlanmadı.
Ali Gilmi
Qulğa alınuçılar sanın tögäl berkem dä belmi, bu turıda räsmi belderülär yuq, oppozitsiä citäkçeläre 200 belän 400 arasında dip sanıy. Bügen militsiä bülege yanında qulğa alınğan ber yegetneñ änise Liliä xanım "Qayda ikänen dä belmim, bezgä isemlek birmilär, telefonnı aluçı yuq, härxäldä monda dilär, dde.
Xäzer qulğa alınuçılar röxsät itelmägän çarada qatnaşuda ğäyeplänep mäxkämä aldına basır dip kötelä, alarğa 10-15 kön irektän mäxrüm itelü yanıy.
Şulay itep, qarşılıq ğämäle tämam, Belarus oppozitsiäse üz maqsatına ireşä almadı dip äytergä bulamı? Radiobıznıñ töbäk belgeçe Jan Maksimuk: "Minemçä, protest çaraları Belarusta säyäsi wazğiätne üzgärtte. Keşelär uramğa çığudan azraq qurqa başladı. Belarus oppozitsiäseneñ uramğa çığudan başqa çarası yuq, parlamentta da, cirle xakimiättä dä alarnıñ wäkilläre yuq. Xäzer uram cıyınnarın oyıştıru ciñelräk bulaçaq. Oppozitsiäneñ ciñüe turında söyläsäk, berençe çiratta bu Belarustağı quqru xisen ciñü."
Qulğa alınuçılar arasında oppozitsiä namzäte Aleksandr Milinkeviçnıñ 20 yäşlek ulı da bar. Militsiäneñ soñğı ğämälen ul xalıq fikeren köç belän bastıru dip atadı. "Bu xakimiätneñ kiläçäge yuq. Bügenge dönyada qılıçqa tayanıp cämğiät tözep bulmıy. Bu 18nçe ğasır tügel, häm bu Lukaşenka patşalığı tügel. Hiççiksez, ul bankrot", di Aleksandr Milinkeviç.
Oppozitsiä şimbä könne kiñ külämle qarşılıq çarası ütkärmäkçe ide. Milinkeviç süzlärençä, alar bu niättän äle baş tartmağan, başqa citäkçelär belän oçraşıp ul alğa taba xäräkät itü yulların tikşeräçäk.
Comğa könne Yewropa Berlege Belarustağı soñğı xällärgä kisken tänqıt belderde. Berlektä räislek itkän Austria Tışqı eşlär ministrı Ursula Plassnik "Bez qulğa alınğannarnıñ barısın da kiçekmästän azat itergä taläp itäbez. Belarus räsmilären tınıç protest belderüçelärgä qarşı köç qullanmasqa çaqırabız", dide.
Comğa könne Brusseldä ütkän oçraşuda Berlek citäkçeläre Belraus räsmilärenä, şul isäptän prezident Aleksandr Lukaşenkağa qarata yaña çikläwlär kertergä qarar itte. Bu çikläwlärneñ nindi bulaçağı älegä açıqlanmadı.
Ali Gilmi