Belarus oppozisiäse citäkçese Alyaksandr Milinkeviç, anı yaqlağan könçığış Yevropa illäre, isemlekkä 100lägän keşene kertergä çaqırsa da Yevropa Berlege anı 31 keşedän arttırmadı. Üz isemen äytergä telämägän ber diplomat, Azatlıq radiosına, isemlekne kiñäytüne Polşa häm Litva, könçığış häm tönyaq Yevropa illäre taläp itte, Germaniä, Belgiä häm Luxemburg isä saq bulırğa çaqırdı, dide. Näticädä 31 keşe arasında – prezident Lukaşenka, anıñ administrasiäseneñ yuğarı wäkilläre, berniçä ministr, alar arasında tışqı eşlär ministrı yuq, ilneñ iminlek xezmäte KGB başlıqları, parlament deputatları, xäkimnär häm saylaw komissiäläre başlıqları bar. Diplomat süzlärenä qarağanda, isemlektä şulay uq üzlären jurnalistlar dip atağan ideologiä belän şöğellängän räsmilär bar.
Yevropa Komissiäseneñ matbuğat wäkile Emma Udwin, Azatlıq radiosına, ägär dä Belarusta ezärlekläwlär däwam itsä, Yevropa Berlegenä kerü tıyılğan keşelär isemlege dä kiñäyäçäk, dip belderde.
"Qarar düşämbe könne qabul iteläçäk, ämma bez Belarus räsmiläreneñ ğämällären küzätep barabız. Misal öçen äle dä bik küp keşe totqınlıqta qala. Bez saylawlarnı küzätergä telägän idek, bu xaqta cawapnı düşämbe könne birerbez. Ämma bez Belarusnı küzätüne däwam itäbez."
10 april könne Berlekneñ tışqı eşlär ministrları cıyılışında Belarusta tawış birüden irekle häm ğädel bulmağanın, şulay uq uram cıyınnarı waqıtında köç qullanu häm qulğa alularnı täñqitlägän belderü qabul iteler dip kötelä.
İsemen äytergä telämägän diplomat, Yevropa Berlege häm Amerika Quşma Ştatları wäkilläre, yaqın arada, Belarusnı täñqitlägän belderügä Rusiäne dä quşılırğa sorap Mäskäwgä möräcäğät itergä cıyına, dide. Mäğlüm bulğança, Rusiä Belarus saylawlarına xuplaw beldergän ide.
Belarusqa çikläwlär kertü turında Yevropa Berlege ministrları arasında berdäm fiker yuq. İqtisadi sanksiälär kertü – xalıqqa ziyan kiteräçäk, dide Udwin:
"Xalıqnıñ bäysez mäğlümat alu mömkinlege bik bulmağan, Belarus kebek däwlät belän eş itkändä, bezneñ çaralarnıñ döres añlaşıluı bik möhim. Bu çaralar – saylawlar ğädel häm irekle bulmağanı öçen kürelä. Xalıq monı añlarğa tieş. "
Yevropa Berlegenä kergän däwlätlärneñ kübese Belarus studentlarına üzlärendä belem alırğa mömkinlek tudırırğa teläk belderde. Azatlıq radiosına üz isemen äytergä telämägän ber diplomat, april azağında viza bäyäsen 35 yevrodan 60 yevroğa arttıru turındağı qararnı Yevropa Berlege yañadan tikşerep, Belaruslar öçen anı arzanraq itergä, yäki bötenläy buşqa birergä mömkin, dide.
alsu qormaş
Yevropa Komissiäseneñ matbuğat wäkile Emma Udwin, Azatlıq radiosına, ägär dä Belarusta ezärlekläwlär däwam itsä, Yevropa Berlegenä kerü tıyılğan keşelär isemlege dä kiñäyäçäk, dip belderde.
"Qarar düşämbe könne qabul iteläçäk, ämma bez Belarus räsmiläreneñ ğämällären küzätep barabız. Misal öçen äle dä bik küp keşe totqınlıqta qala. Bez saylawlarnı küzätergä telägän idek, bu xaqta cawapnı düşämbe könne birerbez. Ämma bez Belarusnı küzätüne däwam itäbez."
10 april könne Berlekneñ tışqı eşlär ministrları cıyılışında Belarusta tawış birüden irekle häm ğädel bulmağanın, şulay uq uram cıyınnarı waqıtında köç qullanu häm qulğa alularnı täñqitlägän belderü qabul iteler dip kötelä.
İsemen äytergä telämägän diplomat, Yevropa Berlege häm Amerika Quşma Ştatları wäkilläre, yaqın arada, Belarusnı täñqitlägän belderügä Rusiäne dä quşılırğa sorap Mäskäwgä möräcäğät itergä cıyına, dide. Mäğlüm bulğança, Rusiä Belarus saylawlarına xuplaw beldergän ide.
Belarusqa çikläwlär kertü turında Yevropa Berlege ministrları arasında berdäm fiker yuq. İqtisadi sanksiälär kertü – xalıqqa ziyan kiteräçäk, dide Udwin:
"Xalıqnıñ bäysez mäğlümat alu mömkinlege bik bulmağan, Belarus kebek däwlät belän eş itkändä, bezneñ çaralarnıñ döres añlaşıluı bik möhim. Bu çaralar – saylawlar ğädel häm irekle bulmağanı öçen kürelä. Xalıq monı añlarğa tieş. "
Yevropa Berlegenä kergän däwlätlärneñ kübese Belarus studentlarına üzlärendä belem alırğa mömkinlek tudırırğa teläk belderde. Azatlıq radiosına üz isemen äytergä telämägän ber diplomat, april azağında viza bäyäsen 35 yevrodan 60 yevroğa arttıru turındağı qararnı Yevropa Berlege yañadan tikşerep, Belaruslar öçen anı arzanraq itergä, yäki bötenläy buşqa birergä mömkin, dide.
alsu qormaş