AQŞ däwlät sekretare Qondalíza Rays, ägär dä Berläşkän millätlär oyışmasınıñ iminlek şurası, İranğa qarata bertörle dä çara kürmäsä, ul xalıqara cämäğätçelek ışanıçın yuğaltaçaq dip belderde. 28 äpreldä iminlek şurası utırışında İranğa çikläwlär kertelü ixtimalı mäsläse qaralaçaqlär. Bügen Ali Laridcani –ul İrannıñ atom programması söyläşülärendä wäkillek citäkçese, ägär dä İranğa qarata çikläwlär kertelsä, Tähran xalıqara atom energiase idaräsennän çığaçaq , dip belderde. Kiçä iran prezidentı Mäxmüt Äxmädinicäd, anıñ ile berqayçan da atom programmasınnan waz kiçmäyäçäk, dip äytkän ide. Bu belderülärgä qarata AQŞ däwlät sekretare Kondalíza Rays bolay dide:“İran yanıy ala, tik ul üzen ük zur çikläwlärgä duçar itäçäk. Min äyter idem, ägär dä dönya cämäğätçelege, üzeneñ ber ägzäse bulğan ildän ni bulsa da ütäwne sorıy ikän, ul üteneçlärne mägnäle qarar belän nığıtırğa tieş”,dide Kondalíza Rays.
