Minzälä yaqları şağir Räşit Gäräyneñ 75 yıllığın zurlap bilgeläp ütte. Räşit Gäräy rayonnıñ keçkenä genä Maltabar awılında tuıp üsä.Gömereneñ soñğı yılları Tübän Qama şähärendä ütä.Monnan 7 yıl elek 20 artıq kitap avtorı,şağirräŞit Gäräyneñ ğömere özelä.Şağir tuıp üskän Maltabar awılı xäzer Tuqay rayonına kersä dä,üze başqa şähärdä torıp icat itsä dä, Minzälälelär anı onıtmıylar.Räşit Gäräyneñ muzeen buldırğannar,balalar kitapxanäsenä isemen birgännär,aprel'' ayı azaqlarında küp törle çaralar ütte.Alarnıñ iñ zurısı 27 aprildä, Sabik Ömetbaev isemendäge Minzälä tatar drama teatrında,Qazan,Çallı,Tübän qamadan kilgän icat,sänğat keşeläre,tuğannarı,yaqtaşları qatnaşındı uzdı.Minzälä gazetası redaksiäse citäkçeläre köçe belän rayonda Räşit Gäräy isemendäge büläk buldırılğan ikän häm tantana barışındı 1 bulıp bıyılğı lawreatlar iseme ataldı.Menä alar:Näzirä Latfraxmanova, Zölayxa Zakirova,Gölnaz Wälieмa,Räşit Gäräyneñ muzeen oyıştıruçı Leniza xanım şağirne tuğan yaq,Tabiğat cırçısı dip atadı.Qazannan kilgän yazuçı häm şağirlär Mädinä Malikova,Salisä Gäräyewa çığışlarında,bäxeten xalıq belän bergä,cirdä taptı-digän fikerne citkerdelär.Kiçädä, Räşit Gäräy süzlärenä yazılğan qayber cırlar da yañğıradı.Şularnıñ berse-tatar dönyasında tanılğan ''''Qır qazları kitkändä'''' cırı.
Räşit Gäräyneñ Küzkäy awılındağı uqıtuçısı, 86 yäşlek Ğamilcan abıy Väliev, Räşitneñ 6 sıynıfta uqığanda 1 şığır yazuın iskä aldı. Cirdän tayanıç ezlägän,şul tayanıçnı tapqan şağir tormışta nindi bulğan? Anıñ tormış iptäşe Mönirä apa Gäräyeva Azatlıqqa şuşılarnı citkerde:
“Soñğı yıllarında ul ädäbiätkä yaña ğına ayaq basuçılarça yärdäm itte.Şularnıñ qulyazmaları belän utırırğa yarata ide. Şunda min äytä idem , Räşit, nigä küzläreñne beterep utırasıñ, üzeñneñ dä yazası äyberläreñ bar bit, digäç, menä, çişmä sayığa ikän ul,-däp äytä torğan ide.Şul süzlärne yış qabatladı...”
.Çallıdan kilgän yazuçı Räşit Bäşär şağirneñ ruxın zurlawları, ädäbiätkä zur şäxes birüläre öçen Minzälälärçä räxmät süzlären äytte.Rayon başlığı Georgiy Kupriänov ta şağir istälegenä räsmi notıq tottı.
Räşit Gäräyneñ märxüm buluına 7 yıl ikänen äytkän idem.Şunısı mäğlüm buldı, şuşı waqıt eçendä anıñ yazıp qaldırğan äsärläre 1 tapqır da bastırılmağan.Döres, qayber näşirlär, märxümneñ 70 yıllığına da, 75 yıllığına da anıñ şağirlären bastırırğa wäğdä birgän bulğannar.Kürgänebezçä, şağirneñ 75 yıllığı da ütep kitte.Şunısı iğtibarğa layıq, urıs şähäre dip sanalğan Minzälägä, Räşit Gäräy ruxı, anıñ yubiley berqädär milli tösmer alıp kilde.Şäxeslär, ülgäç tä ilenä fayda kiterälär.
Ğafiulla Ğaziz, Çallı
