Accessibility links

Кайнар хәбәр

İran AQŞqa ike il arasındağı kierenkelekne beterüneñ yaña yulların täqdim itä


İran prezidentı Mäxmüt Äxmädinicat AQŞ prezidentı George Bushqa ike il arasındağı kierenkelekne beterüneñ yaña yulların täqdim itep xat yulladı. Bügen Tähranda bu xatnı Şwetsariä ilçesenä İran tışqı eşlär ministrı şäxsän üze tapşırdı. 26 yıl elek AQŞ belän İran arasında diplomatik bäyläneşlär özelgännän soñ anda AQŞ mänfäğätlären Şwetsariä ilçelege qayğırta. İran tışqı eşlär ministrlığı süzçese Xämit Riza Asefi İran xäbär agetnlığına xatnıñ eçtälege cämäğätçelekkä waqıtı citkäç iğlan iteläçäk dide. AQŞ uran bayıtunı tuqtatırğa telämägän Tährannı xalıqara izolyatsiädä qaldıru öçen tırışa. Waşington şulay uq İrannan barlıq uran bayıtu eşlären tuqtatunı taläp itüçe, Britaniä belän Fransiä äzerlägän BMO İminlek Şurası rezolütsiäse ölgeseneñ raslanuına ireşergä tırışa.
XS
SM
MD
LG