10 nçı may respublikanıñ berläşterelgän oppozitsiäseneñ kileşterü şurası utırışı bulıp ütte. Anda qulğa alınğan bäysez “Provinsial'nıye vesti” gäzite möxärrire Viktor Şmakovnıñ xatını Lyudmila Şmakova da qatnaştı. Ul ireneñ öç keşelek kamerada totıluın, şartlarğa qarata däğwası bulmawın belderde. Şul uq waqıtta ireneñ sälämätlege naçar bulu säbäple, mäxkämägä qädär anı irekkä çığaru buyınça eşlär başlanuın xäbär itte. Lyudmila başta iren berniçä kön totqarlarlar da, çığarırlar dip ışanğan, xäzer eşneñ citdilegen añladım dip söyläde. Ul bu eş zakazlı dip isäpli.
Utırışta Şmakovqa matdi yärdäm kürsätü öçen bankta xisap açarğa digän qarar çığarıldı.
