Moldova, Rusiäneñ Dönya Säwdä Oyışması kerü şartı itep, Mäskäwneñ Moldova şäräplären satıp alu çikläwlären beterüne quydı. Moldovanıñ oyışmadağı wäkile Octavian Calmiç, Moldova Rusiäneñ Dönya Säwdä Oyışmasına kerüenä qarşı tügel, ämma añarçı ike aradağı mäsälälär, şul sanda şäräp mäsäläse xäl itelergä tieş, dip belderde. Rusiäneñ oyışmadağı aradaşçısı Maksim Medvedkov, bu mäğlümatne rasladı. Dönya Säwdä Oyışmasına kerer aldınnan Rusiä anıñ barlıq äğzaläre belän säwdä xezmättäşlege turında kileşülär imzalarğa tieş. Rusiä öçen iñ zur problema – Amerika Quşma Ştatları belän säwdä turında kileşü. Medvedkov, cäy urtalarına qädär nindi dä bulsa kileşügä ireşep buluına ömet belderde.