Accessibility links

Çallıdağı başqort mäktäbendä 1nçe çığarılış


Tatarstanda berdänber başqort mäktäbe bar häm ul Çallı şähärendä. Älege mäktäp monnan 2 yıl elek Tatarstan häm Başqortstan mäğärif ministrlıqları kileşüe nigezendä açılğan ide. Menä, başqa mäktäplärdäge kebek, 25 mayda biredä dä soñğı qıñğıraw şaltıradı, başqort mäktäbendä bu kön tarixi - 1 çığarılış köne bularaq ta istä qalaçaq . 2004/05 uqu yılında monda 33 bala belem alsa, bıyıl 54 uquçı uqığan. Şularnıñ 5-e ,11-е sıynıfnı tämamladı. Berençe qarlığaçlarnı alda ni kötä? Mäktäp direktorı Mönirä Qorbanova "Azatlıqqa" Ufadağı yuğarı uqu yortları belän bağlanışlar buldırıluı häm başqa eşläre xaqında bolay söyläde :

- Bezneñ mäktäpne tämamlağan 5 qızğa Başqortstan mäğärif ministrlığı Ufadağı däräcäle uqu yortlarına kvota birde. 9-ı sıynıfnı tämamlağan 2 balabız Ufanıñ Rämi Ğäripov isemendäge iqtisad internat mäktäbenä imtixan tapşırıp, uquların şunda däwam itäçäklär. Uqu yılı bik qızıqlı ütte, Başqortstan başqalasınnan häm regionnarınan zur qunaqlar kilep tordı. Qısqası, şähär häm Başqortostan respublikası mänfäğät''läre belän yäşibez.

Mönirä xanım äytüençä, başqort xalqı xätersez İvan buludan tuqtadı, tarixı, tamırları, ana tele belän qızıqsına. Bu yünäleştä başqort mäktäbe zur yärdäm kürsätä. Mäktäp, Çallıdağı başqort cämğiäte räise Fäniä Şäripova mäktäp eşçänlegen yuğarı bäyäläde. F.Şäripova mäğlümätläre buyınça, bügen Çallıda 8 meñnän artıq başqort yäşi, uqu yäşendäge başqort balaları sanı - 500. Menä şularnıñ kübräk öleşen başqort mäktäbenä tuplawnı maqsat itep quyğannar. Şuşı uñaydan, 31-е may könne, däräcäle tügäräk östäl uzdıru da küzdä totıla. Mäktäp başqort balaları öçen genä tügel ikän, biredä urıs häm tatar millätennän bulğan berniçä bala belem ala. Mäktäp programmasında urısça, başqortça, tatarça häm inglizçä uqıtu qaralğan.

Ğafiulla Ğaziz, Çallı

XS
SM
MD
LG