Accessibility links

Yewropa xalıqara täqdimgä yül urtasına qädär İrannan cawap aluğa ömetlänä


Yewropa Berlegendä xäzer küçmä citäkçelek eşlären alıp baruçı Awstriä kanslerı Wolfgang Schuessel İran üzeneñ atom programmasına bäyle krizisnı çişü maqsatındağı xalıqara täqdimgä 15-nçe 17-nçe yüldä Piterburda ütäçäk G8 oçraşuına qädär cawap birergä tieş dide. Bügen Tähranda İran saqçılar şurasın citäkläwçe Ayatulla Äxämd Canati bu İran öçen yaxşı täqdim tügel dide. Canati İran uran bayıtu eşen däwam itäçäk dide. Şul uq waqıtta ul İrannıñ söyläşülär öçen açıq buluın da belderde. Bu atnada İran tışqı eşlär ministrı Manuçir Mottaqi Tähran bu täqdimne nıqlap öyränäçäk digän ide. Kiçä prezident Mäxmüt Äxmädinicat İrannıñ atom programması turında söyläşülär yaxşıraq şartlarda ütärgä tieş, yanawlar fayda kitermiäçäk dide.
XS
SM
MD
LG