Accessibility links

Кайнар хәбәр

Renat Xarisnı Putin büläkläde


Düşämbedä Rusiä prezidentı yıl sayın sanawlılarğa ğına birelä torğan Däwlät büläkläre tapşırdı. Federal dip atalğan TV kanalları anı turıdan –turı kürsätte. Barlığı cide büläklänüçe arasında Urıslarnıñ baş ärxäräye Aleksi ikençe dä bar ide. Ul gumanitar ölkädäge nindider uñışları öçen büläklände. Humanitarlığın ällä ni kürgän yuq, çit illärdä urıslarnı qayğırtıp yörüdän tış. Läkin, büläkkä tienüçelär arasında Tatarstanlılar da bar. Monısı qızıq. Üzäk kanallar alarnıñ icat cimelären tatarnıqı dimäsä dä, ä barı tik könçığış xalıqlarınıqı dip täqrarlasa da, Rusiäneñ däwlät büläkläre tatar mädäniätendäge uñışlar öçen. Yosıf qissası dip atalağan balet öçen, ä bu balet Qol Ğälineñ Qissai Yusuf äsärenä nigezlänep yazılğan, librettolar avtorı Renat Xaris, baletta töp biyüçe Nurlan Kanetov häm kompozitor Leonid Lyubovskiy Rusiä prezidentı qulınnan tüştamğalar häm aqçalata büläklär aldılar. Mäskäw Kirmänendä, tantanalı räweştä. Aqçası, 5 million sum. Anı öçkä bülälär.

XS
SM
MD
LG