Ukrainanıñ Regionnar firqası başlığı Wiktor Yanuqovíç, “äflisun koalisiase” oppozisia quyğan taläplärne ütämäsä, anıñ partiase parlamentnı taratu häm çirattan tış saylalular ütkärü öçen tırışaçaq, dide. Üz yaqlılarnı xalıqnıñ kileşmäw ğämällärenä äzer bulırğa çaqırdı. Anıñ fikerençä, “äflisun koalisiase” qanunnarnı boza häm oppozisia xakimiätneñ eşlären kontroldä tota torğan idaräneñ yaña sistemasın buldırırğa kiräk. Bu belderülär belän Yanuqovíç Dnepropetrovskida Bötenuqraína külämendä ütkän Regionnar firqası deputatları cıyılışında äytte. Yanuqovíç yaqlılar, parlamentta häm xökümättä citäkçe urınnarğa koalisia täkdimenä protest belderep, haman da Yuğarı Rada eşenä kirtä quya.
