Bu könnärdä Tatarstannıñ teatr sänğäte zur yuğaltu kiçerde. Kürenekle akter, Tatarstannıñ xalıq artistı Räsim Säläxov wafat buldı.
Bik talantlı, tabiğilege häm ixlaslığı belän ayırılıp torğan Räsim Säläxov tumışı belän Başqortstannan. İleş rayonı Cäyläw awılınnan ide. 61nçe yılda Qazandağı Kaçalov teatrı qarşındağı studiäne tämamlap ul Ğäliäskär Qamal Akademiä teatrına qabul itelgän. Qamal teatrı säxnäsendä Räsim Säläxovnıñ ğäcäyep tormışçan, tabiği häm xisle çığışların küplär xäterlider. “Xuca Nasretdin” spektaklendä Xammat buldı ul, “Ğaliäbänu”da Bädri, “Xanuma” spektaklendä - Knäz. Şuşı häm başqa küp rol'lärendä anıñ säxnä ostalığı, obrazlarnıñ tiränlege häm baylığı bik kiñ çağıla.
Räsim Säläxov cämğiät eşlärendä dä bik aktiv qatnaşqan. Teatrda eşläwdän tış kino, televidenie häm radioda törle üzençälektäge obrazlar icat itkän. Üzeneñ keşeleklelege, tıynaqlığı, saylağan hönärenä tuğrılıqlığı belän ul şähär häm respublikanıñ teatr cämäğätçelege arasında tirän abruy qazanğan.
70 yäşlek yubileena ike genä yıl qalıp barğanda Tatarstannıñ xalıq artistı Räsim Säläxov bik qatı awırudan wafat buldı. Xezmättäşläre, dusları, yaqın keşeläre anı bik cılı iskä ala.
Tatar xalqınıñ talantlı artistı Räsim Säläxov belän xuşlaşu 11 iyüldä Qamal teatrı binasında säğät 10да bulaçaq.
Al'bina Zäynulla
