Tatarstan parlamentı räise Färit Möxämmätşin Rusiä xökümäteneñ räsmi delegatsiase sostavında Ulan-Batırda mongol däwlätçelegeneñ - 800 yıllığı tantanasında qatnaşa. Räsmi törkemne Rüsiäneñ premyer ministrı Mixail Fradkov citäkli. Düşämbe Ulan-Batırda Çıñğızxanğa tantanalı şartlarda häykäl açıldı. 800 yıl elek moñgol qabiläläre berläşep Timudjinnı üzläreneñ başlıqları itep saylağan. Timudjin Çıñğızxan isemen alğan. Çıñğızxan “Xäkimdarlarnıñ xäkimdarı” digän mäğnäne añlata. Çıñğızxannıñ küpmeñlägän ğäskärläre Seberneñ zur kiñleklären, Urta Aziäne häm Qıtaynıñ ber öleşen yawlap ala.
