Xizbulla häm İzrail ğaskärläre arasında suğış başlanğaç, soñğı xäbärlärgä qarağanda, 100 meñ libanlı öylärennän kitergä mäcbür bulğan. Kübese Süriägä häm şulay uq Qıbrızğa kitkän. Qıbrız gazetasınıñ jurnalistı äti-änilärsez bik küp bala kilä, dip xäbär itä. “Bäyrüttä yäşäwçelärneñ kübese balalarınıñ şähärdän kitüen teli. Sişämbe könne ber fransuz köymäse kilde. Anda 400 läp bala ide. Yartısı ozatuçılarsız. Alarnıñ äti-äniläre üzläre qalğan, ä balalarınıñ kitüen telägän”,- dide Kipr gazetasınıñ jurnalistı. Çit il watandaşların Libannan çığaru, küpçelek oçraqta diñgez yulı aşa, däwam itä.