Rusiä pensionerları firqäseneñ Başqortstan bülekçäse qarşılıq aksiäse ütkärde. Alar Başqortstan tatarları milli-mädäni möxtäriäte ixatası yanında palatkalar quyıp, berniçä köngä suzılğan qarşılıq aksiäse uzdırdı. Qarşılıq aksiäsendä qatnaşuçılar möxtäriät citäkçese Rämil Bignovtan “Xalıq” fondına salğan aqça häm vawçerlar öçen tüläwlär taläp itte. Eş şunda, “Komsomol'skaya pravda” gäziteneñ Başqortstan quşımtası Rämil Bignov aqçalata kompensatsiä tüli dip ul utırğan ofisnıñ adresın xäbär itkän ide. Bignov isä üzeneñ bu eştä qatnaşı bulmawın belderde. Pensionerlar qarşılıq aksiäsen tuqtattı. Bignov monı Prezidentnıñ ulı Ural Räximovnıñ çaranı oyıştıruçılarnı Bignovqa piar yasawda ğäyepläwe öçen dip añlattı.
