BMO general sekretare Kofi Annan Sudannıñ Darfur wilayätendäge krizisnı beterü öçen tırışlıqnı arttırırğa kiräk, dide. İminlek Şurasında çığış yasap ul, Darfurdağı 6 meñlek Afrika Berlege tınıçlıq köçlären Berläşkän Millätlär Oyışmasınıñ tınıçlıq köçlärenä alıştırırğa täqdim itte. Annan fikerençä, bu wilayatkä kim digändä 17 meñ xärbi cibärelergä tieş. Sudan xakimiatläre Darfurnıñ qara tänle xalqın terror astında totuçı ğäräb qorallı köçläreneñ uzınuına yul quya.
