Accessibility links

Кайнар хәбәр

Başqortstan säyäxätçeläre Irımburğa kitte


Comğa könne irtän Başqortstannan zur ğına törkem tatarlar belän başqortlar Irımbur ölkäsenä säyäxätkä kitte. Ufadağı “İxlas” mäçete imam-xatibı Möxämmät xäzrät Ğalläm oyıştırğan şuşı avtobus säyäxäte öç köngä isäplängän. Törkemdäge illegä yaqın keşe arasında din ähelläre genä tügel, ä tatar häm başqort ğalimnäre, yazuçılar, şağirlär, cämäğät häm däwlät eşlekleläre dä bar.

Ufadağı “İxlas” mäçete soñğı ike yılda üz östenä bik küp yaña eşçänlek törlären aldı. Şul isäptän törle töbäklärgä din qärdäşlärne, millättäşlärne avtobuslarda säyäxätlärgä yörtüne dä. Bıltır Qazannıñ 1 meñ yıllığın bäyräm itkän çaqta başlanğan ide bu säyäxätlär. Bıyıl da Qazanğa berniçä tapqır şundıy säyäxätlär oyıştırıldı.

Küp kenä Başqortstan tatarları belän başqortlar Irımbur ölkäsendäge tarixi yadkärlärne kürep qaytu telägen beldergäç, “İxlas”nıñ imam-xatibı Möxämmät xäzrät Ğalläm anda da säyäxätlärne başlarğa buldı. Bügen şuşı berençe säyäxätkä çığıp kitär aldınnan, Möxämmät xäzrät “Azatlıq” radiosına menä nilär söyläde.

Möxämmät – Irımburğa baru zur waqiğa. Andağı tarixi qomartqılarnı qaraw bik qızıqlı. Berençe könne bez kunakxanägä urnaşaçaqbız häm şul könne ük şähär buylap kruiz yasarğa tieşbez. Anda yäşäwçe millättäşlär, zıyalılar belän dä oçraşaçaqbız. Annan inde ataqlı Kärwansaraynıñ eçen dä tışın da qarap xozurlanaçaqbız. Bay programma qaralğan. Qısqası, dini dä, mädäni dä, ädäbi dä, cırlı-moñdlı da säyäxät bulaçaq bu.

Ufadağı “İxlas” mäçete imam-xatibı Möxämmät xäzrät Ğalläm buldı. Bügen ul Başqortstannan illegä yaqın keşene Irımburğa säyäxätkä alıp kitte. Säfärçelär yulğa avtobusta kitte. Öç könlek säyäxät barışında alar öçen bay mädäni programma qaralğan.

Fänis Fätxi, Ufa

XS
SM
MD
LG