Quşma Ştatlarda uzğan US Open tenis yarışında Rusiä uyınçısı Maria Şarapova ciñde. Anıñ köndäşe – Belgiä tennisçısı Justin Henin-Hardenne ide. 19 yäşlek Şarapovanıñ inde 2004nçe yılda Wimbledon uyınında ciñüe bar ide. New Yorktan tağın ber xäbär – 4 yıl elek lotareyda 1 million dollar otqan Valerie Wilson isemle xatın-qız yañadan 1 million dollar otqan. Wilson kibettä eşli, sandwiçlar yasıy. Elekke ciñüennän soñ eşennän kitmägän Wilson, bu yulı inde sandwiç yasawdan kitergä cıyınuın belderde.
