Xalıqara xoquq yaqlaw oyışması Human Rights Watch UNESCOnıñ Üzbäkstan prezidentı Íslam Kärimovnı medäl belän büläkläw qararına protest belderä. Xoquq yaqlaw oyışması belderüendä Üzbäkstanda keşe xoquqlarınıñ citdi räweştä bozıluı turında äytelä. “Bu qararnı bez ğawğalı dip sanıybız. Berençe qat bu xäbär turında işetkäç, axmaqlarça şayaru dip uylağan idek”,- dide Human Rights Watch wäkile. UNESCO Kärimov bu medal belän Üzbäkstanda mädäni mirasnı saqlawğa öleş kertkän öçen xörmät yözennän büläklände, dip belderä.
