Accessibility links

Кайнар хәбәр

"3 möddät" referendumı kire qağıldı


Mäskäw -- Rusiäneñ Üzäk saylaw komissiäse, 3nçe möddät prezidentlıq turında referendum ütkärü täqdimen kire qaqtı. Saylaw komissiäse referendumğa mondıy sorawnı çığaru Konstitutsiägä qarşı kilä dip belderde. Rusiä Konstitutsiäse nigezendä, ber keşe küp digändä ike möddät rättän prezident bulıp tora ala. Rusiäneñ berniçä töbäk oyışması xäzerge prezident Vladimir Putinğa xakimiätä qalu mömkinlege birer öçen referendum ütkärü täqdime belän çıqqan ide.

Bügenge utırışta Tönayq Osetiäneñ "Solıx häm totrıqlılıq" digän oyışmasınıñ täqdime tikşerelde. Üzäk saylaw komissiä räise Aleksandr Veşnyakov bügenge qararnı bolay añlattı:

"Referendumğa täqdim itelgän soraw federal qanunarğa qarşı kilä. Referendum turındağı qanunda monıñ işe referendum ütkärü bötenläy qaralmağan."

Putin üze dä berniçä tapqır, Konstitusiägä qarşı çıqmayaçağın, 3nçe mäddätkä däğwa itmiäçägen äytkän ide.
XS
SM
MD
LG