Rusiäneñ “Soyuz” korabı Malayziä watandaşın ğälämgä alıp çığaçaq. Mäskäwdä bu xaqta kileşü imzalandı. Malayziädä barlığı 11 meñ keşe ğälämgä oçarğa teläk beldergän. Alar arasınnan 34 yäşlek ortoped Şäyex Möşärräf Şöker häm anıñ parı- dubler 26 yäşlek dantist Fäyez Xalidnı saylap alğannar. Yaqın arada alar Yoldız şähärçegendä öyränülärgä kereşäçäk. Ğälämgä oçuları isä, kiläse yılnıñ közenä bilgelängän.
