Rusiä pensionerları firqäse 17 nçe avgustta “Yarlılıqqa qarşı marş” isemle çara başlağan ide. Ul 1 nçe oktäber – Ölkännär könenä tämamlandı. Çara qısasında il başlıqlarına tapşırılırğa tieşle taläplär öçen imza cıyıldı. Respublika buylap barlığı 51 meñnän artıq imza cıyılğan. Alar yaqın aralarda Mäskäwgä Rusiä pensionerları firqäse citäkçesenä cibäreläçäk. İl buyınça cıyılğan imzalar Rusiä Prezidentı, xökümät räise häm däwlät Duması başlıqlarına tapşırılaçaq.