Accessibility links

Кайнар хәбәр

Äfğanstandağı NATO ğaskärläre zuraytılmasa taliplar qarşılığın ciñü ikele


Äfğanstandağı NATO citäkçelege uzğan atnada ütkärelgän hawa höcüme waqıtında ülgännärneñ häm zıyan kürgännärneñ ğailälärenä kompensatsiä tülägän. 24 nçe üktäber könne könyaqtağı Qandahar wilayätendä taliblarnıñ nığıtmaları bombalanğan ide. Soñıraq, bu höcüm waqıtında tınıç xalıqnıñ da ülüe açıqlandı. Urındağı xakimiatlär äytüençä, 60 tan 85 kä qadär keşe üterelgän. Ämma NATO citäkçelege älegä 12 keşeneñ ülüen genä rasladı. Aqçalata yärdämnän qala, zıyan kürüçelärgä azıq-tölek birelgän häm başqa tör yärdäm dä kürsätelgän. Ägär Äfğanstandağı NATO ğaskärläre zuraytılmasa, anıñ yaqındağı yartı yıl eçendä taliplar qarşılığın ciñüe ikele. Bu xaqta Äfğanstandağı NATO köçläre başlığı general David Richardson belderde. Bügenge köndä anda koalitsiäneñ 30 meñnän artıq ğaskärie bar. Cäy axırında taliblarnıñ qarşılığı aktivlaştı. Soñğı 3-4 kön eçendä genä dä alar ilneñ könyäğında 140 lap keşesen yuğalttı.
XS
SM
MD
LG