Accessibility links

Äfğan yauğirläre fatirzarı kemgä hatılğan?


"Başqortostanda mosolman millätlelärzeñ küp bulıuı bik qıuanıslı". Äfğan totqonloğonan qotolop qaytqan Yuriy Stepanovtı kürergä kilgändä İnğuşetiyanıñ elekke prezidentı Ruslan Auışew şulay tip belderźe. Mäğlüm bulıuınsa, 20 yılğa yaqın Äfğan totqonloğonda sağında Bäläbäyźä tıuıp üśkän Yuriy Stepanov islamğa küsä, üźenä Maybullo tigän yañı isem ala. Ruslan Auışew äyteüensä, mosolmandar küp yäşägän respubliqala Maybullo – Yuriyğa häm unıñ qatını menän ulına künegep yäşäp kiteü eñeleräk bulasaq, Mosolman kinohındağı keüek fajiğä bulmayasaq. Stepanovtar ğailähe Priyut qasabahındağı qıśınqı ğına yortqa küp keşelär arahına qaytıp töşkän. Xäźer ularğa watandaşlıq qağıźźarın yullau, eş, yäşäü urının xästärläü keüek mäşäqättärźe başqarırğa käräk. Ruslan Auışew Boyondoroqhoź däülättär sowetınıñ yauğir-internatsionalistar komitetı isemenän Maybulloğa 100 meñ hum aqsa birźe. Aeroportta üźen qarşı alğan prezident Mortaza Räximov menän küreşkändä yauğir internatsionalist Yuriy Stepanovqa kürhätkän yarźam ösön räxmät belderźe.

Äfğan huğışında Başqortostandan 10 meñ yauğir qatnaşa. Şularźıñ 337-he tıuğan yaqtarına tsink tabutta qayta, ä 6 haldat bögöngäsä xäbärheź yuğalğandar isemlegendä. İśän qaytqandarı arahında älegä tiklem torlaqhıź intekkändäre lä bar. 90-sı yıldar başında Öfölä Äfğandan qaytqandar ösön yort töźölä başlağaynı. Xäźer Däülät birgän fatirźarźı töźöüse şirkät qabattan başqalarğa la hatqanlığı asıqlanğan. Ber nisä yıl elek kenä üź fatirlı bulğan elekke 9 yauğir häm ularźıñ ğailäläre yañınan torlaqhıź qalğan. Eş şunda töźöüse şirkät eşkä Törkiä töźölöş firmahın yälep itä. Ular ihä fatirźarźı üź beldektärenä hata. Tiźźän sit il investorźarı bankrotlaşa, firmanıñ etäksehe Törkiägä deportatsiyalana. Fatirźarźıñ kemgä täğäyen bulıuın mäxkämä xäl itäsäk.

XS
SM
MD
LG