Respublikanıñ eçke eşlär ministrı urınbasarı Vyaçeslav Sıs'nıñ üleme turında xäbär itkän idek. Ul Ufa rayonı Çesnokovqa qasabasında garajında atılğan kileş tabılğan ide. Yänäşäsendä aw mıltığı häm xat ta tapqan idelär. Eçke eşlär ministrlığı monı Sıs' mıltığın tazartqanda xäwefsezlek qağidäsen bozğan dip farazlasa, prokuratura märxümneñ xatında üzen ülemgä kiterep citkerüläre turında äytelüen xäbär itte. “Kommersant” gäzite ul xattan özek tä bastı. “Mine maxsus awır xälgä quyalar. Bu minem namusımnı isbat itüçe berdänber çara. Ğafu itegez”.— dielgän anda.
Räsmi bulmağan çığanaqlar faciğağä qädär eçke eşlär ministrı Rafail Divaevnıñ Vyaçeslav Sıs' belän söyläşüen xäbär itä.
