Accessibility links

Кайнар хәбәр

Bügenge tatarğa ğäyrät citep betmi


Qazanda Räşit Wahapov isemendäge tatar cırı festivale uzdı. Şul festival'dä min Tatarstan fännär akademiäseneñ Şihabetdin Märcäni isemendäge tarix institutı ölkän fänni xezmätkäre, tarix fännäre doktorı Gabdelbär Fäyzraxmanov belän oçraştım. Ğalim borınğı törkilär häm Seber tatarları tarixın öyränä.

Gabdelbär äfände, Räşit Wahapov festivale ğomum tatar ideologiäsenä xezmät itä dip sanıysızmı?

Bezneñ tatar ideologiäse Şihabetdin Märcänilär zamanında uq bik nıq eşlängän inde. Qayum Nasıyri, Sadri Maksudi, Ğayaz İsxaqilar häm başqalar eşlägän ideologiäne tormışqa aşırsaq ta bik äybät bulır ide äle. Min yaña ideologiä ezlämim. İskesen nıqlap itep tormışqa kertergä kiräk, tınıç yul belän. Menä bu festival' näq menä tınıç yul belän tatar ideologiäsen alğa sörüçe çara. Berkemne orışmıyça, berkemgä açulanmıyça, berkemgä üpkälämiçä millätneñ danın, däräcäsen kütärergä kiräk. Bu festival' tatarnı tatar aldında da, başqa xalıqlar qarşında da däräcäsen kütärä torğan çara.

Bötendönya tatar kongressına närsä telär idegez?

Kongress bik awır şartlarda eşli. Üzebezneñ tatarlar arasında da alarğa qomaçawlawçılar bar. Qıyulıq, ğäyrät, köç telim. Aru belmäsennär ide. Bügen tatarğa ğäyrät citep betmi.

Şamil Bahautdin, Samar

XS
SM
MD
LG