Qazan milli- mädäni üzägendä Tol'yattile Larisa Xafizova häm Rinat Biktaşevlarnıñ kürgäzmäläre eşli. Äñgämäbez Tatarstan rässamnar berlege idäräseneñ äğzası Bulat Gıyl'manov belän.
Bulat äfände, Tol'yatti şähärennän kilgän Biktaşev, Xafizova kartinaları Tatarstan rässamnarınıñ xäzinäsenä östälerlek äsärlärme?
Sänğat'tä yañalıq iñ möhim närsä tügel. Ul matur bulsın, ruxı bulsın. Divarlardağı räsemnärne kürgäç min bik şat buldım. Här äsärdä hönärmändlek.
Çit töbäktä yäşäwçe tatarlar üz räsemnäre belän Qazanğa kildelär. Tatarstanlılarnı tığızlaw dip sanamıysızmı?
Hiç tä yuq. Çittän kilgän rässamnarğa quanabız ğına. Ğomumtatar sänğäte üsä dip qarıym.
Kürgäzmäne qarağaç Rässamnar Soyuzında fiker alışu bulamı?
Andıy söyläşülär, fiker alışular uzaçaq. Ul bezdä ğädäti xäl. Avtorlarnıñ äsärlären centekläp analizlau bulaçaq.
Bulat äfände, rässamnar tañ qalırlıq äsärlär icat itälär. Menä şul keşelärdä bozıqlıq buluı bar?
Tormış qatlawlı. Cämğiättäge çirlär rässamnarnı da uratıp uzmıy.
İcatığızda xatın- qız maturlığı nindi urında tora?
İcatımda xatın- qız maturlığı da, tabiğät maturlığı da berençe safta. Maturlıq aşa başqa, yaña ideyälär tua.
Barlıq xudocniklarnıñ da xatınnarı güzälbikä tügelder. İcatta başqa xatınnarğa möräcäğät itärgä turı kiläme?
Hiçşiksez. Riwayätlärebezdä xan qızı Altınçäç bar. Borınğı zamanalarda suğışçı qızlarıbız bulğan. Min xäzer şul zur polotno östendä eşlim. Däwlätebezne qızlarıbız saqlağan. Maturlıq häm qorbanlıq! Törle qızlar, törle xolıqlar. Küp qızlar ezläyäçäkmen. Tarixi detal'lär, qorallar. Arxeologiägä möräcäğät itäçäkmen.
Borınğı tarix, qızlar, qoral. Töşläregezgä kerep cäfa çikmisezme?
Kerä. İcat eşe yoqlağanda da üzeneñ barlığın iskä töşerep tora.
Ägär Sezgä :”Ğailä yä sänğät”,- disälär, qaysısın östen quyar idegez?
Berençe çiratta ğailä bulırğa tieş. Dönyağa mönäsäbätne balalar, narasıylar aşa kürsätep bula. Ğailä aşa sänğät uñışına ireşü qulaylıraq. Min monı üzemnän sizäm. Miña tizräk öylänergä kiräk.
Şamil Bahautdin, Samar
