Stärletamak şähäreneñ Stanoklar tözü zavodın qulğa töşerü eşläre başlanğan. Bu turıda zavod direktorı Vladimir Jirinov belderde. Anıñ süzlärenä qarağanda, xakimiät resurslarına iä ber törkem “Argumentı i faktı” gäzitendä zakazlı mäqälälär birä, zavodnıñ qimmätle käğäzlären häm aksiälären satıp alırğa tırışa. Jirinov üzenä cinayät eşe açıluın, yaqın könnärdä Mäskäwdän komissiä kiläçägen belderde. Respublika parlamentı räise Konstantin Tolkaçev Xökümät häm prokuraturağa bu eşne üz küzätüenä alırğa çaqırdı.
