Bangalore -- Rusiäneñ Saqlanu ministrı Sergei İvanov bügen 5 könlek säfär belän Hindstanğa kilde. Atnakiç könne Dähligä Rusiä prezidentı Vladimir Putin da kilergä tieş. İvanov süzlärençä, Rusiä Hindstan belän yuğarı texnologiä, aviatsiä, ğäläm öyränü, atom energiäse häm xärbi ölkädä xezmättäşlek turında kileşülär tözergä cıyına. Hindstan belän Qıtay Rusiädän iñ küp qoral satıp aluçı illär bulıp tora.
