Ufada küptän tügel bilgelängän Rusiä salım xezmäteneñ Başqortstan bülekçäse räisenä qarşı piket uzdı. Çara ber yulı ike urında - Salım xezmäte binası yanında häm Neftçelär mädäniät sarayı qarşında uzdı. Anda qatnaşuçılar Rusiä Prezidentı färmanı buyınça töbäklärdäge salım xezmäte başlıqları urındağı citäkçelek belän kileşep bilgelänergä tieş bulsa da, bu ütälmi dip belderde. Başqortstan salım xezmäte başların biäläy kebek almaştıralar, 2003 yıldan soñ bu dürtençe citäkçe dip, mondıy säyäsätneñ salım xezmäte eşçänlege sıyfatın bozuğa kiterüe bar dielde. Çarada qatnaşuçılar yaña bilgelängän salım xezmäte başın xalıq yanına çığarğa çaqırsalar da, monı ütäwçe bulmadı. Piketta qatnaşuçılar federal üzäk bu çarağa iğtibar itmäsä, qarşılıq aqsiälären daimi ütkärergä ışandırdılar.
