Aşğabad – Törkmänstannıñ yaña prezidentı Gurbanguli Berdımuxamedov, ilneñ elekke citäkçese Saparmurat Niazov alıp barğan säyäsätne aşığıp üzgärtergä cıyınmağanın belderde. Rusiädä çığa torğan "Törkmänstan" dip atalğan jurnalğa birgän äñgämäsendä ul "demokratiä bik näzberek äyber, anı başqa illärdän kitertep bulmıy, sotsial-säyäsi-iqtisadi mäsälälärne tiz arada xäl itü tırışlıqları ilgä totrıqsızlıq qına biräçäk" digän. Törkmänstannıñ soñğı 15 yılda iqtisadi häm säyäsi tetränüsez täräqqi itüen, Berdımuxamedov, zur qazanış dip atadı.
