Dağıstannıñ Kizlär rayonında Rusiäneñ maxsus köçläre oyıştırğan çarada suğışçı buluda şiklänelgän 2 keşe häläk bulğan. Federal İminlek Xezmäte FSBnıñ cirle bülege başlığı Nikolai Gryaznov süzlärenä qarağanda, 2 keşeneñ mäyete maxsus çaradan soñ yanğan yortta tabılğan, 3nçe keşene ezläw däwam itä. Räsmilär, ülgän keşelär – kürşe Çeçnädä suğışqan törkem äğzaları ide, dip xäbär itte.
