Accessibility links

Кайнар хәбәр

Çallıda tatar tele öçen köräş


Çallı tatar milli xäräkäte wäkilläre 23 fevral' könne berniçä çara ütkärdelär. Şularnıñ berse- irtänge säğät unda Yaña şähärneñ 6нчы bistä tuqtalışında ütte. Monda distädän artıq keşe şiğar'lär kütärep ber säğätkä yaqın piketta basıp tordılar. Piketqa çığunıñ maqsatı turında Çallı TİÜe räise Räfis Kaşapov:

-Çeçen-inguş xalıqların departatsiäläügä 63 yıl tuldı, şularnı yaqlap oyıştırdıq. Xäzerge qan qoyularnı tuqtatunı da taläp itäbez. Piket urını uñaylı, xalıq küp yöri, salqın bulsa da keşelärebez kilde.

Ä menä Çallınıñ tatar drama teatrı binasında tatar telen yaqlaw cämğiäte tözü turında söyläşü buldı. Jıyelıyşta yuldaş klubı, Azatlıq tatar yäşläre berlege ictimaği üzäge citäkçeläre häm wäkilläre qatnaştı. Şulay uq Alabuğa, Minzälä, Sarman, Tuqay rayonı häm şähärlärdäge milli xäräkätlär ägzäläre qatnaştı. Şunısı iğtibarğa layıq, küptännän ber-berse belän küreşergä, söyläşergä telämägän milli xäräkät veterannarı da çarada bulıp, üz süzlären äyttelär. Zinnur Ähliullin üz çığışında, tatar telen saqlap qaluda bergäläp eş yörtergä çaqırdı: Bez bernärsä dä eşlämäsäk, 30-40 yıldan soñ xalıq bularaq betäçäkbez. Betü könen tizlätmäs öçen telne, mädäniätne saqlap qalu- bezneñ burıç. Xalıqara qanunnar milli bäysezlek öçen qoral belän köräşergä dä röxsät itä. Ämma bez qırım tatarları, Baltıyk buyı xalıqları kebek qoralsız köräşne sayladıq. Bez üz köräşebezdä telne häm berdämlekne qoral itep alaçaqbız, dide Zinnur Ähliullin häm cıyılışta qatnaşqan xalıqnı, alar 250 çaması ide, urısça söyläşüdän tıyılıp torırğa çaqırdı. Yazuçı Aydar Xälim üzeneñ ğäyrätle çığışında tatar telen yaqlaw cämğiäten buldırunı yaqlap çıqtı, cıyılışta yäşlärneñ küp qatnaşuına siengänen äytte. Tatar telen yaqlaw cämğiäteneñ strukturası tözelde. Çallınıñ här rayonında şuşı cämğiätneñ başlanğıç oyışmasınıñ citäkçese saylandı.

Ğafiulla Ğaziz, Çallı

XS
SM
MD
LG