5 nçe martta Çallı pedagogiä institutınıñ cıyılışlar zalında älege çara "G.İbrahimov mirası häm xäzerge zaman" digän isem astında, respublika küläm fänni-ğamäli konferensiä bularaq ütte. Konferensiäneñ fänni citäkçeläreneñ berse, professor, Qazan universitetınıñ kafedra mödire Tälğät Ğaliullin üzeneñ çığışın mondıy süzlär belän başladı:
"2006 nçı yıl Tuqay, Cälil yılı bulsa, 2007нче yıl G.İbrahimov yılı bulır. Anıñ icatına qağılışlı berençe çara Çallıda ütä. Şuşınıdy uq fänni konferensiälär Qazanda, Başqortstanda uzar", dide T.Ğaliullin. Ul şulay uq, Ğalimcan İbrahimovnıñ monnan 1000 yıllar elek äytkän süz-fikerläreneñ, ayıruça tänqitkä qağılışlı öleşeneñ bügen dä bik aktual' buluın ayırıp kürsätte, Tuqay icatına iñ döres, iñ yuğarı bäya birüçe ikänenä basım yasadı.
Konferensiä eşendä Ufa qunaqları da qatnaştı. Aralarınnan berse, Çallı şähär mäğärif idäräse başlığı urınbasarı Viner Xarisov çığışı waqıtında "Çallıda Ğalimcan İbrahimov muzeyı barmı?"- dip qızıqsındı. Viner äfände bügenge konferensiä moña etärgeç birer dip ışandırdı. Filologiä fännäre doktorı Xatıyp Miñnegulov G.İbrahimov mirasında tatar ädäbiäte mäsäläläre", professor Flün Musin "G.İbrahimov häm bezneñ zaman" xaqında söylädelär. "Mäydan" jurnalı baş möxärrire Waxit İmamov G.İbrahimov icatına üz qaraşın belderdelär. Professor M.Zäkiev, G.İbrahimovnı üz çorınıñ iñ tanılğan yazuçısı häm ğalime dip sanıy. Mirfatıyx abıy üz çığışın "Tatarstanda gumanitar fännär üseşendä G.İbrahimovnıñ role" temasına bağışlanğan. Şuşı yünäleştä G.İbrahimovnıñ eşçänlege xaqında "Azatlıqqa" bolay dide:
- G.İbrahimov tatar xalqı öçen zur eş başqardı. Bol'şeviklar xakimiätkä kilgändä böten millätlärne üsteräbez dip wäğdä birdelär. G.İbrahimov ta şuşı ağımğa kerep kitte. 1930нчы yıllarda Stalin millätlärne sünderü eşen başladı häm millätlärne üsterergä yörüçe keşelär repressiägä duçar itelde. Tatar milläten üsterergä yörüçe dip, G.İbrahimov ta ictimaği arenadan quıla".
G.İbrahimovnıñ 120 yıllığına bağışlanğan fänni konferensiädä yazuçını törle yaqtan öyränergä dä öyränergä kiräk äle digän fikerlär küp äytelde.
Ğafiulla Ğaziz, Çallı
