İyünyunğa qarşı köräş Rusiädä aktual' problemalarnıñ berse bulıp qaluın däwam itä. Narkomaniädä niçek qotılıp bula? Bu sorawğa, älbättä, härkemneñ üz cawabı bar. Äydägez Qazanlılar fikere belän tanışıyq äle.
Minemçä narkomaniädän qotılu öçen Rusiädä qatğıy qanunnar kertergä kiräk. Äytik, mäsälän Germaniädä keşe äyberen urlasañ barmaq yäki qulın kisälär. Bezneñ ildä dä şundıy çaralar kertelsä, narkomannar sanı kimer ide.
İñ berençe çiratta, eşne yuğarı däräcädä eşläwçe dairälärdän başlarğa kiräk. Zakonnarnı qatğıylatıp, rişwät alu yulların yabarğa kiräk. Bilgele bulğança, küp kenä narkotik satuçılar keşelärgä rişwät birep, narkotik taratalar. Televizorlardan waq partiä narkotiklar tabular turında söyläp, kürsätälär, läkin bu bik az küläm.
Äti-änilär balalarınıñ buş waqıtların qayda uzdırğannarın tikşerep, dusların belep torırğa tieş. Bar närsä dä ğailädän tora. Äti-änilär balaların küz uñaylarınnan cibärergä tieş tügel.
Narkomaniädä qotılu öçen şifaxanälärgä yatqızıp, alarnı däwalarğa kiräk. Maxsus darular eşläp çığarıp, qotılu yulların ezlärgä kiräk.
Narkomaniä iñ zur problemalarnıñ berse, minemçä narkomaniädän qotılu keşeneñ üzennän häm anıñ tirä-yağında bulğan keşelärdän tora. Şul uq waqıtta militsiä xezmätkärläre narkomaniä yulların yabarğa tieş.
İñ berençe çiratta, narkotik satuçı keşelärne cazalarğa kiräk. Narkotik taratu yulın yabarğa kiräk, şunnan soñ ğına narkomannarnı däwalarğa mäcbüri.
Monıñ öçen mäçetlärgä yörergä kiräk. Dingä ışanğan keşe üzen köçle dip sanıy häm narkotiklar belän mawıqmıy.
Gölnaz Şäyxetdin
