Русия Дәүләт Думасы рәисе Борис Грызлов Русиянең административ хокук бозулар канунына үзгәрешләр кертелгәннән соң юл кагыйдәләрен бозган өчен штрафлар күләме якынча 10 мәртәбә артачак дип белдерде.
Грызлов матбугат очрашуында хәбәрчеләргә штрафлар күләмен түлисе килмәслек дәрәҗәгә җиткерергә кирәк диде.
Аның әйтүенчә, Думаның җомга көн тәртибенә машина йөртүчеләрнең җаваплылыгын арттыру максатындагы 14 канун өлгесе кертелгән.
Грызлов сүзләренчә, бигрәк тә каршы як юлга чыккан өчен җәза кырыслатылачак.
