Accessibility links

Кайнар хәбәр

“Ğädel Rusiä” firqäseneñ Tatarstan bülekçäläre arasında köräş däwam itä


İnde niçä ay “Ğädel Rusiä” firqäse Tatarstanlılar öçen, Rusiä gerbındağı ike başlı börketne xäterlätä, çönki respublikada äle haman da, firqäneñ ike başı, yäğni ike töbäk bülekçäse eşläp kilä. Büleklärneñ berse dä xoquqi börkälmägän, läkin härberse üzen möstäkıl' häm berdänder dip sanıy. 5 fevral' könne, töbäk bülekçäseneñ bersen citäklägän Färit Xucixanov Qazannıñ waxitov rayonı mäxkаmäsenä möräcäğät itte. Ul qaysı bülek räsmi ikänen belgänçe, Federal' terkäw üzägeneñ firqäneñ bülekçälären terkäw eşen tuqtatıp torırğa kiräk dip äytte. Boris Naymuşin citäklägän bülek isä mona qarşı çığıp, Tatarstan yuğarı mäxkämäsenä däğwä beldergän.

15 mart könne, yuğarı mäkkämä, Boris Naymuşinnıñ möräcäğäten qänäğätländermiçä, bu mä’säläne waxitov mäxkämäse xäl itkänçä qaldırırğa digän qarar çığarğan. İsegezgä töşeräbez Berençe bülek Çallıda 26 noyäber häm 3 dekaberdä uzğan konferensiädä oyışqan ide. Ul waqıtta “Ğädel Rusiä” firqäse prezidiumı tarafınnan bülek citäkçese itep Färit Xucixanov saylandı. Läkin inde berniçä könnän soñ, 27 noyäberdä firqäneñ üzäk şurası Xuciäxmätovnı firqädän çığara.

Firqäneñ ikençe bülekçäse 23декабрьдә uzğan konferensiädä barlıqqa kilä häm anıñ citäkçese itep Boris Naymuşin saylana.

Respublikanıñ yuğarı mäxkämäse utırışında, “Ğädel Rusiä”neñ üzäk şurası wäkile, xoquqi idärä departamentı citäkçese Dmitriy Luk'yanov, Naymuşinnı yaqlap, waxitov mäxkämäse qararı “Ğädel Rusiä” firqäseneñ xoquqların boza digän fiker belderde. Şulay uq Dmitriy Luk'yanov, Färit Xucixanov firqä isemennän eş itä almıy, ul anıñ wäkile tügel, şuña da waxitov mäxkxmäse annan ğariza qabul itmäskä tieş ide” digän fikerdä tora. Färit Xucixanov isä ike bülek arasındağı köräşne tuqtatmıyça, alğa taba Mäskäwneñ Tverskoy rayonı mäxkämäsendä däwam itterergä niätli. Xäzerge waqıtta inde ul, Çallıda 27 noyäberdä bulğan konferensiä näticäsen döres tügel dip tabırğa kiräk digän möräcäğätne Mäskäw mäxkämäsenä yullağan. Äytergä kiräk anıñ üzen dä citäkçelektän mäxkämä aşa alğannar.

“Ğädel Rusiä”firqaseneñ Tatarstandağı töbäk bülekläre üz-ara mönäsäbätlärne xäl itep yatqan waqıtta, Rusiä külämendä saylawlar barışında firqäneñ yazmışı xäl itelä. Küptän tügel uzğan waqiğalarnı iskä töşerep şunı da äytep bula, “Ğädel Rusiä” citäkçese Sergey Mironov Tatarstan belän Rusiä arasındağı şartnamägä qarşı çığuçılarnıñ berse ide. Şuña kürä küpçelek Tatarstan xalqı älege firqağä uñay mönäsäbättä tormıy häm saylawlarda “Ğädel Rusiä”lelärneñ Respublikada küp tawış cıyu mömkinlege bik az. Tatarstan Stavropol' tügel ul, cämäğät.

Ğädel Galämetdinov

XS
SM
MD
LG