Accessibility links

Кайнар хәбәр

Çallıda kadrlar yäşärä


Uzğan ğasırnıñ 70 -е yıllarında KamAZ tözeleşenä kilgän komsomol-yäşlärneñ küp buluın küzdä totıp, Çallığa yäşlär qalası digän süztezmä yabışıp qalğan ide. Küpsanlı matbuğat çaraları xäzer dä iske ğädät buyınça, Çallını yäşlär şähäre dip atarğa yarata.Ğomer ütä, wäzğıät üzgärä. Bügenge köndä yartı millionlı Çallı şähärenä 100 meñ pensioner yäşi. Älege pensionerlarnıñ ber öleşe xäzerge waqıtta da eşlärgä, şunıñ belän üzeneñ, ğailäseneñ matdi torışın tä'min itärgä omtıla. Citäkçe urınnarda eşläwçe pensionerlar öçen xezmättä bulu ayıruça otışlı, çönki, Rusiädä elek-elektän ğadi eşçe häm xezmätkärgä qarağanda urında bulğannarğa aqça kübräk tülänä. Dimäk, mömkinlege bulğan citäkçe-pensioner haman da eş urınında qalırğa tırışa. Bıyılnıñ mart azaqlarında Çallıda, eşläwçe pensionerlarğa, tögälräk äytkändä citäkçe pensionerlarğa "höcüm" başlandı. "Höcüm" digän süzebez " " eçendä häm ul berençe bulıp şähärneñ meditsina yortlarına qağıla. Uzğan atnada Çallıda 3 xastaxanäneñ pensiä yäşendä bulğan baş tabipları wazıyfalarınnan cibärelde. Şähär sälämätlek saqlaw idäräse başlığı Azat Fätxetdinov bu küreneşne citäkçe kadrlarnı yäşärtü säyäsäte, dip belderde. Yıl azağına qädär tağın sigez däwalaw uçrejdeniesendä baş tabiplarnı alıştıru bulaçaq. Citäkçe kadrlarnı yäşärtü säyäsätenä şähärneñ mäğärif idäräse dä quşıldı. İdäräneñ çärşämbe kön bulğan kollegiäsendä şähär başqarma komitet citäkçese urınbasarı Ramil Xälimov bolay dide:

"Küpme genä üpkälärlek, xäter qalırlıq bulsa da, bez üzebezgä almaş äzerlärgä tieşbez."

Citäkçe äytüençä, şähär mäktäpläre direktorlarınıñ 30%ı pensiä yäşendä, uqıtuçılarnıñ da 11%ı pensiä yäşen uzıp kitkän. Yuğarı uqu yortların tämamlap kilgän yäşlär mäktäplärdä ozaq tormıylar. Mäsälän, 2004нче yılda 2 yıllıq eş stajı bulğan uqıtuçılar sanı 300ләп bulsa, 2006нчы yılda mondıy yäş kadrlar sanı 135кә qalğan. Yäş uqıtuçılar sanı kimi, pensioner uqıtuçılar arta. Şuşı waqıt eçendä alar 385 keşedän 440ка citkän. Yuğisä, mäktäplärdä uqıtuçılarğa qıtlıq ta sizelmi ikän. Bu inde, qartlar mäktäplärdän kitmi, ä yäşlär kilä almıy digänne añlata. Kollegiä utırışında Ramil Xälimov monıñ süzlär dä äytte: "Citäkçelärne äzerläw belän bügenge mäktäp direktorları da şöğellänergä tieşlär. Qaydadır bu eş bara, qaydadır yäşlärgä üsärgä maxsus räweştä irek birelmi."

Kollegiädä, kiläçäktä, balalar baqçalarındağı citäkçelär mäs’äläse dä kütäreläçägen äyttelär.

Ğafiulla Ğaziz, Çallı

XS
SM
MD
LG