Başqortostandıñ torlaq–kommunal xeźmättäre yaźğı taşqınğa äźerlekte 10–sı aprelgä tamamlayasaq. Äle yul– remont töźölöşö şirkättäre ağıp kiteü xäüefe bulğan küperźärźe vaqıtlısa hütep tora, yağıulıq–maylau materialdarı, qırsıntaş häm başqa käräk–yaraqtar äźerläy. Ber ük vaqıtta texnik qorolmalar, küperźär häm hıu yatqılıqtarı maxsus tikşereü ütä. Taşqındar mälendä 17 meñgä yaqın torlaq yort häm ularźa yäşäüse 61 meñ keşeneñ hıu baśqan zonala qalıuı ixtimal. Äle oşonday urında yäşäüselärźe vaqıtlısa qunaqxana, yataq häm mäktäptärźä urınlaştırıu mäsälähe qarala. Taşqınğa qarşı komissiya ultırışında Öfö qalahınıñ ğäźättän tış xäldär idaralığı keşeläre auırlı qatındar aldan uq bala tabıu yorttarına, ğäriptär häm qarttar dauaxanağa urınlaştırılasaq tip äyttelär. Öfönöñ hıu baśıu xäüefe yanağan Zaton, 8-se mart biśtälärenä aldan uq boźolmay torğan aźıq-tülek taşırğa teyeştär. Boź tığındarın emereü ösön şartlatıu eştäre alıp barğan şirkättär menän kileşeü töźörgä käräk. Ämmä respublika rayondarı bıl kileşeüźe töźöügä hülpän qaray, tip belderźe Ğäźättän tış xäldär ministrı Marat Mähäźiev.
