Accessibility links

2007 yıldı Başqortostan xalqı bayram itep ütkäräsäk


Bögön Respublika parlamentı ultırışı la waqıtında başlanmanı. Yabay voditeldärźän ayırmalı militsiya xeźmätkärźäre qıybatlı–qıybatlı sit il maşinaları ösön Parlament yortona eterlek asıq yul qaldırıuıla yarźam itmäne. Şulay itep, deputattar bögön yıl dauamında respublikanıñ yäşäyeşen bildäläüse prezident yullamahın qaranı. Bıl xattan añlaşılıuınsa, bıyıl respublikala bayram itep yäşäyäsäk. Yäğni, dokumentta bildälängän saralarźıñ barıhıla tierlek 450 yıllıq yubileyğa bäyle. İqtisadqa kilgändä, qayğırahı tügel, 2006-sı yılda la Başqortostan ildeñ yıldam üśeüse töbäge bularaq, üź pozitsiyaların tağı la nığıtqan. Bıltır tulayım töbäk produqtı 8 protsent samahına etkän. Xalıqtıñ kileme lä Räsäyźäge urtasa kürhätkestän artıp kitkän, tine Respublika prezidentı ultırışta. Prezident Sowetı ultırışı respublika Prezidentına narkotiktar äyläneşen küźäteüźä totou buyınsa Federal xeźmätteñ wedomstvo nagradahın tapşırıuźan başlanıp kitte. Başqortostan Prezidentı nagradanı respublikala narkotiktarğa qarşı köräş alıp barıu ösön yauaplı barlıq oyoşmalar eşenä yuğarı baha tine. Doqumenttıñ töp yünäleştären barlap, Xökümät premer–ministrı dokumentqa innovatsion yünäleş xaslığın, unda respublika üśeşeneñ könüźäk mäsäläläre bildäläneüen hıźıq öśtönä aldı. Däülät Yıyılışı – Qoroltay räyese Konstantin Tolqaçevtıñ beldereüensä, yıllıq xat parlament ağzalarına la olo yauaplılıq öśtäy. Ultırışta Yıllıq Xat proektı törlö yünäleştärźä entekläp tikşerelde. Prezident Sovetı ağzaları dokumentta xalıqtı sotsial yaqlau, haulıq haqlau, mäğarif häm fän tarmaqtarın üśtereü mäsälälärenä, sotsial häm mäźäni ölkälärźe kamillaştırıuğa źur iğtibar büleneüen bildäläp ütte. Ultırıştı yomğaqlap, respublika Prezidentı yıllıq Xattıñ ütäleşenä ıñğay baha birźe, aldağı burıstarğa tuqtaldı.

Ekaterinburgta Başqortostandıñ Räsäygä quşılıuınıñ 450 yıllığına arnap Urta Ural xalıqtarı könö ütkäreläsäk.

Milli mäźäniättär bayramı Sverdlovsk ölkähe gubernatorı Eduard Rossel täqdime menän 2002 yıldan alıp bildälänä. Tantanala töbäkteñ 30 milli-mäźäni avtonomiyahı häm yämğiäte üź programmaların kürhätäsäk, ularźıñ kübehe Başqortostan menän Räsäy berźämlegenä arnalasaq. Bınan tış, unda Sverdlovsk ölkähe başqorttarı qoroltayı tarafınan «Milli ixata» kürgäźmähe oyoştorolasaq. Tiźźän Sorğot qalahı başqorttarı delegatsiyahı Stärletamaqqa kiläsäk. Bında ike qala arahında xeźmättäşlekte üśtereü, sänäğät predpriyatieları arahında bäyläneş urınlaştırıu mäsäläläre qaralasaq. Xantı –Mansı avtonomiyalı oqruğında äle 36 meñdän aşıu millättäşebeź yäşäy. Här qalala tierlek başqort sinıftarı bar. Okrugtağı Başqortostan wäkillege etäksehe Räüźät Qolmänbätov äyteüensä, äle töbäktä 450 yıllıq yubileyğa arnalğan saralar başlanğan.

XS
SM
MD
LG