Accessibility links

Кайнар хәбәр

Açıq mikrofon: Qazanda yullar yaxşıramı, naçarayamı?


-Elekke yıllar belän çağıştırğanda, yaxşıra dip uylıym. Xäzer üzäktä bik matur yullar bar. Ämma bu üzäktä genä şul. Äz genä çitkä kitsäñ, yullarnıñ iskitkeç naçar ikänen kürergä bula. Kiläçäktä uñay üzgäreşlärgä ömetlänep qalabız inde.

-Meñ yıllıq uñayınnan qayber yullarnı maturladılar. Ä qalğannarı isä nindi xäldä buldılar, şulay qaldı da inde. Äle menä tağın qış uzğaç, yullarnıñ tağın da yämsezlänüen küräbez.

-Min Yılğa portı tiräsendä toram. Bezdä yullar äybät tügel. Alay uq naçar dip tä äytep bulmıy inde, ämma..

-Qazanda ber genä yıl toram, ämma inde yullar turında äytergä bula. Mäsälän, min torğan Gvardeyskaya uramında yullarğa alay zarlanırlıq tügel. Ä minem ber törkemdäş torğan Pionerskaya uramında yullar iskitkeç naçar!

-Ä min Qazanda 56 yıl toram. Menä, mäsälän, äytik üzäktäge Galaktionov uramı. Ul niçek naçar bulğan, şulay qaldı da. Häm aldağı yıllarda da näq şulay bulaçağın beläm. Yullarnı yamıylar-yamıylar, ä ni fayda soñ? Yamalğan närsä ozaqqa çıdıy meni ul? Bezneñ Qazan maturlana üze, ber süz dä yuq. Ä yullarnı isä maturlana dip äytergä tel äylänmi.

Al'bina Zäynulla

XS
SM
MD
LG