Berençe üzençälek şunda, bıyıl, uquçı balalar, şiğer yaratuçılar häm yazuçılar şähär uramnarınıñ ber poçmağına da cıyılmadılar, Tuqayğa bağışlanğan süz-mädxiälärne äytmädelär. Döres, sişämbe könne yazuçı Aydar Xälim tatar teatrı binasında Tuqay kiçäse oyıştırğan ide. Ä menä Tuqay tuğan könne Çallınıñ iñ zur kitapxanäsendä yazuçılar muzey açıldı. Kitapxanä mödire urınbasarı Roza Xämidullina; Çallı yazuçılar berlege räise Waxit İmamov fikerläre:
- Kitapxanälär yıldan-yıl eş alımnarın üzgärtälär. Bügenge muzey açılu - şunıñ ber dälile. Bu ideyäne şähär citäkçeläre dä kütärep aldı, xupladılar. Muzey - tatar zıyalılarnıñ oçraşu urınına äylänsen ile.
- Muzey başqalardan şunıñ belän ayırıla, bu - isän yazuçılar muzeye. Döres, wafat bulğan ädiplärgä dä urın birelde. Respublikada moña oşaş muzey bütän yuq.
İnde, Tuqay könenä bağışlanğan tağın ber çara xaqında. 26нчы aprel'dä, kiçke yaqta, Çallığa Qazan artı - Arça, Baltaç, Quqmara häm Saba rayonnarı wäkilläre kilep töşte. Tuqay tuğan, Tuqay bulğan yaqlardan kilüçelär üzläreneñ Çallıdağı yaqtaşları belän oçraşu kiçäsendä qatnaştılar. Şunısı qızıq ide, "Energetik" mädäniät yortında ütkän bu tamaşa çäy eçü belän tämamlandı. Här rayonnıñ üzläre äzerlängän öställäre bar ide. Şuşı tabın, qayçandır älege rayonında tuıp-üskän, xäzer Çallıda yäşäwçe baylar xisabına äzerlände. Älbättä, bersen berse uzdıra tatar baylarına xas äyber, şunlıqtan, barısınıñ da tabınnarı muldan ide. Şuşında uq, aldağı yıllarda da 26нчы aprel'dä oçraşu turında kileştelär.
Ğafiulla Ğaziz, Çallı
