Serbiäneñ kiçä saylanğan Parlament räise, Belgradnı, Mäskäw belän mönäsäbätlären arttırığa çaqıra.
250 urınlı parlamettağı çığışında Nikoliç, Serbiä, Yewropa Berlegenä tügel, ä Rusiäneñ äydäp barğan berektäş illär törkemenä kerergä tiyeş dip belderde.
Nikoliçneñ bu belderüen, Serbiädä könbatışqa qarşı fiker yörtüçelär yaqlıy. Nikoliç, elekke serb başlığı Slobodan Milosevickä yaqın keşelärneñ berse ide.
Yewropa Berlege, 1990nçı yıllarda Bosnia suğışında, cinäyätçelektä şiklänelgän General Ratko Mladicne qulğa alıp xökemgä tartırğa soragan ide, läkin Serbiä Yewropanıñ bu täqdimen üti almağanı säbäble, Yewropa Berlegenä äğzalıq söyläşüläre tuqtadı. Moña Yewropağa qarşı bulğan ber törkem cämäğätçelek rizasızlıq belderä.
Serb Radikal partiäse Mladiçne, cinäyätçe tügel kiresençä qaharman keşe bularaq tanıy. Firqa başlığı Vojislav Seselj, üze dä suğış cinäyätçelegendä ğayeple, anıñ Hague’dağı mäxkämä eşe äle däwam itä.
BMOnıñ Kosovoğa şartlı bäysezlek täqdime küpçelek serb milliätçeläreneñ açuın çığardı. BMOnıñ däwamlı äğzası Rusiä bu täqdimgä qarşı çığaçağın beldergän ide.
Könbatış xökümätläre, Nikoliçneñ parlament citäkçese itep saylanına tänqit belderä. AQŞ Däwlät departmentı süzçese Sean McCormack, sişämbe könne tänqiten bolay bäyan itte;
“Ayırım keşelärneñ milliätçelekne zararlı yullar belän yañadan qotırtuın ber kemneñ dä küräse kilmi. Bu yul ber qayçanda alğa taba täraqqiätkä häm Balkanda totrıqlıqnı saqlarğa yärdem itmiäçäk, bez parlamentta mondıy xisle bäxesläreneñ basıluın häm bu tör söylämnärneñ kimüen telibez.”
Yewropa Berlegeneñ kiñäyü komissionerı Olli Rehn, Serbiä parlamentına ütä milliätçe beräwneñ saylanuı borçılu tudıra dide.
Nokoliçneñ saylanu köne, Serbiäneñ 11nçe mayda Yewropa şurasına kerü waqıtına turı kilä.
M.K.
250 urınlı parlamettağı çığışında Nikoliç, Serbiä, Yewropa Berlegenä tügel, ä Rusiäneñ äydäp barğan berektäş illär törkemenä kerergä tiyeş dip belderde.
Nikoliçneñ bu belderüen, Serbiädä könbatışqa qarşı fiker yörtüçelär yaqlıy. Nikoliç, elekke serb başlığı Slobodan Milosevickä yaqın keşelärneñ berse ide.
Yewropa Berlege, 1990nçı yıllarda Bosnia suğışında, cinäyätçelektä şiklänelgän General Ratko Mladicne qulğa alıp xökemgä tartırğa soragan ide, läkin Serbiä Yewropanıñ bu täqdimen üti almağanı säbäble, Yewropa Berlegenä äğzalıq söyläşüläre tuqtadı. Moña Yewropağa qarşı bulğan ber törkem cämäğätçelek rizasızlıq belderä.
Serb Radikal partiäse Mladiçne, cinäyätçe tügel kiresençä qaharman keşe bularaq tanıy. Firqa başlığı Vojislav Seselj, üze dä suğış cinäyätçelegendä ğayeple, anıñ Hague’dağı mäxkämä eşe äle däwam itä.
BMOnıñ Kosovoğa şartlı bäysezlek täqdime küpçelek serb milliätçeläreneñ açuın çığardı. BMOnıñ däwamlı äğzası Rusiä bu täqdimgä qarşı çığaçağın beldergän ide.
Könbatış xökümätläre, Nikoliçneñ parlament citäkçese itep saylanına tänqit belderä. AQŞ Däwlät departmentı süzçese Sean McCormack, sişämbe könne tänqiten bolay bäyan itte;
“Ayırım keşelärneñ milliätçelekne zararlı yullar belän yañadan qotırtuın ber kemneñ dä küräse kilmi. Bu yul ber qayçanda alğa taba täraqqiätkä häm Balkanda totrıqlıqnı saqlarğa yärdem itmiäçäk, bez parlamentta mondıy xisle bäxesläreneñ basıluın häm bu tör söylämnärneñ kimüen telibez.”
Yewropa Berlegeneñ kiñäyü komissionerı Olli Rehn, Serbiä parlamentına ütä milliätçe beräwneñ saylanuı borçılu tudıra dide.
Nokoliçneñ saylanu köne, Serbiäneñ 11nçe mayda Yewropa şurasına kerü waqıtına turı kilä.
M.K.