Rusiäneñ elekke FSB ofitserı Aleksandr Litvinenkonıñ Londonda ağulanıp üterelü eşen tikşergän Britan belgeçläre, berniçä ayğa suzılğan tınlıqtan soñ, citdi belderü yasadı. Bu belderüne sişämbedä Londonda ütkän matbuğat oşraşuında Britaniäneñ prokuror xezmäte başlığı Ken MacDonald yañğırattı. Anıñ süzlärençä, Rusiäneñ eşquarı, sovet çorında KGB xezmätkäre bulğan, Andrey Lugovoynı Litvinenkonı üterüdä ğäyepläw öçen citärlek dälillär tabılğan:
"Min bügen şundıy näticägä kildem: politsiä bezgä tapşırğan dälillär Andrey Lugovoynı Aleksandr Litvinenkonı ağulap üterüdä ğäyepläw öçen citärlek. Şulay uq, min bu ğäyepläwneñ belderelüe cämäğätçelek mänfäğätendä digän näticägä kildem" dide prokuror xezmäte başlığı.
Polonium-210 isemle siräk oçrıy torğan nurlanışlı matdä belän ağulanğan Aleksandr Litvinenko 23 noyäberdä London xastaxanäsendä wafat buldı. Noyäberneñ 1-ndä, üzen naçar xis itä başlağan könne, ul Lugovoy häm tağın ber elekke KGB xezmätkäre Dmitry Kovtun belän Londonnıñ Millenium qunaqxanäsendä çäy eçkän bulğan. Soñraq anıñ cinayağında polonium ezläre tabıldı. Lugovoy da, Kovtun da, Mäskäwgä qaytqaç, bu ülemgä qatışı buluların kire qaqtılar.
Britaniäneñ prokuror xezmäte başlığı Lugovoynıñ Britaniägä tapşırıluın taläp itäçägen belderde:
"Min yursitlarğa, Lugovoynı Rusiädän Britaniägä tiz arada kitertep, şuşı ğädättän-tış awır cinäyät öçen ğäyepläw belderep, London mäxkämäse aldına bastıru öçen kiçekmästän tieşle adımnar yasarğa quştım" dide Ken MacDonald.
Ämmä Lugovoynı Britaniägä kitertü ciñel bulmayaçaq. 43 yäşlek Aleksandr Litvinenko Rusiä prezidentı Vladimir Putinnıñ kisken tänqitçese ide. Ülem tüşägendä yatqanda ul üzeneñ ağulanuı öçen dä Rusiä prezidentın ğäyeplägän belderü yasadı.
Räsmi Mäskäw bu ğäyepläwne "kölkele" dip atadı. Rusiäneñ baş prokuraturası, Lugovoy Rusiä qanunnarı nigezendä Britaniägä tapşırıla almıy, digän belderü yasadı.
Östäwenä, Rusiä belän Britaniä arasında watandaşlarnı tapşıru turında kileşü dä yuq.
Şuña da qaramastan, Mäskäw, Kremlneñ kisken tänqitçese bulğan eşquar Boris Berzovskinı häm dä İçkeriäneñ sörgendäge wäkile Äxmät Zakaevnı inde küptännän üz qulına töşerergä tırışa. Berezovski da, Zakaev ta Litvinenko belän yaqın ide.
Şuşı wazğiät Mäskäw belän London arasındağı kierenkelekneñ tağı da artuına kiterergä mömkin.
Britaniäneñ tışqı eşlär ministrı Margaret Beckett, London Lugovoynı tapşıru eşendä Mäskäwdän "tulı xezmättäşlek" kötä digän belderü yasadı.
Ul arada Britaniäneñ "News of the World" isemle basması üzeneñ yäkşämbe sanında, Beckett xanım, Mäskäwneñ açuın çığarmas öçen, tikşerüçelärgä bu eşne tınıç qına yomırğa quşqan, digän xäbär basıtrdı.
Tışqı eşlär ministrlığı da, prokuror xezmäte dä gäzitneñ bu xäbären kire qağa.
Ali Ğilmi
"Min bügen şundıy näticägä kildem: politsiä bezgä tapşırğan dälillär Andrey Lugovoynı Aleksandr Litvinenkonı ağulap üterüdä ğäyepläw öçen citärlek. Şulay uq, min bu ğäyepläwneñ belderelüe cämäğätçelek mänfäğätendä digän näticägä kildem" dide prokuror xezmäte başlığı.
Polonium-210 isemle siräk oçrıy torğan nurlanışlı matdä belän ağulanğan Aleksandr Litvinenko 23 noyäberdä London xastaxanäsendä wafat buldı. Noyäberneñ 1-ndä, üzen naçar xis itä başlağan könne, ul Lugovoy häm tağın ber elekke KGB xezmätkäre Dmitry Kovtun belän Londonnıñ Millenium qunaqxanäsendä çäy eçkän bulğan. Soñraq anıñ cinayağında polonium ezläre tabıldı. Lugovoy da, Kovtun da, Mäskäwgä qaytqaç, bu ülemgä qatışı buluların kire qaqtılar.
Britaniäneñ prokuror xezmäte başlığı Lugovoynıñ Britaniägä tapşırıluın taläp itäçägen belderde:
"Min yursitlarğa, Lugovoynı Rusiädän Britaniägä tiz arada kitertep, şuşı ğädättän-tış awır cinäyät öçen ğäyepläw belderep, London mäxkämäse aldına bastıru öçen kiçekmästän tieşle adımnar yasarğa quştım" dide Ken MacDonald.
Ämmä Lugovoynı Britaniägä kitertü ciñel bulmayaçaq. 43 yäşlek Aleksandr Litvinenko Rusiä prezidentı Vladimir Putinnıñ kisken tänqitçese ide. Ülem tüşägendä yatqanda ul üzeneñ ağulanuı öçen dä Rusiä prezidentın ğäyeplägän belderü yasadı.
Räsmi Mäskäw bu ğäyepläwne "kölkele" dip atadı. Rusiäneñ baş prokuraturası, Lugovoy Rusiä qanunnarı nigezendä Britaniägä tapşırıla almıy, digän belderü yasadı.
Östäwenä, Rusiä belän Britaniä arasında watandaşlarnı tapşıru turında kileşü dä yuq.
Şuña da qaramastan, Mäskäw, Kremlneñ kisken tänqitçese bulğan eşquar Boris Berzovskinı häm dä İçkeriäneñ sörgendäge wäkile Äxmät Zakaevnı inde küptännän üz qulına töşerergä tırışa. Berezovski da, Zakaev ta Litvinenko belän yaqın ide.
Şuşı wazğiät Mäskäw belän London arasındağı kierenkelekneñ tağı da artuına kiterergä mömkin.
Britaniäneñ tışqı eşlär ministrı Margaret Beckett, London Lugovoynı tapşıru eşendä Mäskäwdän "tulı xezmättäşlek" kötä digän belderü yasadı.
Ul arada Britaniäneñ "News of the World" isemle basması üzeneñ yäkşämbe sanında, Beckett xanım, Mäskäwneñ açuın çığarmas öçen, tikşerüçelärgä bu eşne tınıç qına yomırğa quşqan, digän xäbär basıtrdı.
Tışqı eşlär ministrlığı da, prokuror xezmäte dä gäzitneñ bu xäbären kire qağa.
Ali Ğilmi