Accessibility links

Кайнар хәбәр

Törkmänstan dönyağa açıla: Kürşe Qazaxstan belän berektäşlek başlandı


Qazaxstan häm Törkmästan Prezidentları bergä oçraşıp, alğa taba Üzäk azianıñ cirastı baylıqları bulğan ike il arasında bergä yaqın xizmättäşlekneñ nigezlären salırğa ömet beldelär. Yaña wazifağa başlağan Törkmän ilbaşı Gurbangulı Bärdimöxämmädov, elekke prezident Saparmurat waqıtında üz eçenä yabılğan Törkmänstannı, tışqı dönya belän yaña ilemtälär buldırığa tırışa sıman.

Qazaxstan häm Törkmästan Prezidentları, Nursoltan Nazarbayev belän Qorbangulı Bärdemöxämmädov arasında oxşaşlıqlar bik yuq anısı.

Berse küp yıllar ilne üz qulında totqan, säyäsi täcribäse nıqlı häm ozın bulğan şäxes. İkençese isä säyäsäte nindi bulğanı äle bik ük mäğlüm bulmağan elekke teş-doktorı.

Läkin şunısı açıq, töbäkneñ cir-astı baylıqları yağınnañ iñ köçle illärdäñ sanalğan bu ike ilneñ citäkçeläre, ardağı iqtisadıy bäyläneşlärne nığıtırğa teli. Kiçä Matbuğat yasağan çığışında Nursoltan Nazarbayev bu xaqta bolay belderde:

“Qazaxstan häm Törkmästan ike il, neft kebek cir-astı baylıqlarına bik bay illär häm ike aradağı xezmättäşlek bezgä bik faydalı bulaçaq.”

Nazarbayev, berektäşe Bärdemöxämmädov belän Törkmänstandağı cirbaylıqların eşkärtkän qazax şerkätläreneñ eşçänlege turında täfsille itep söyläşkännären belderde.

Kiçä Astanağa kilgän Qorbangulı Bärdimöxämmädov, ellekke prezident Saparmurat Niyazovnıñ ilne dönyadañ ayıru säyäsäten kimetergä telägänen belderde. Ul Matbuğat oçraşuında, Bäysez Däwlätlär Berdämlegendä, Törkmänstannıñ äwzemräk qatnaşuın telägäneñ äytte.

Niyazov, Törekmänstannıñ älege oyışmağa tulı äğza bulıp qatnaşu däräcäsen küzätüçe il däräcäsenä töşergän ide.

Bärdimöxämmädovnıñ ilne yañadañ dönyağa açu plannarı ozaqqa barır mı digän şiklänülär bar. Läkin monı añlar öçen, Törkmästannıñ könçığış şähäre Törkmänabattağı Niyazovnıñ şäxs şöxräte kimeünä küz salu möhim.

Törkmän oppozitsiäseneñ internet säxifäse kiçä xäbär itüençä, Niyazovnıñ zur häykäle urınınnañ alınğan häm Niyazovnıñ küpkenä räsemnäre kürenmi başlağan.

Azatlıqnıñ Törkmän bülege, “Monı niçek añlarga ?” digän sorawnı Viennada urnaşqan Törkmänstan başlanğıç törkem äğzäse Färid Tuxbatullingä birde,

“Bu ämerneñ yuğardağı köçlärdäñ kilüendä şik yuq, çönki cirle xaqimiät monı üz başına başqara almas. Minem uylawımça astırtınğına bik küp häykällär urnınnañ alınaçaq. Alar xäzerge waqıtta Törkmänstannıñ böten cirendä bar."

Yaña citäkçelekneñ Dönyağa açılırğa etärgeç buluın kürsätkän tağın ber niçä misal bar. Alardañ berse, Qazaxstan häm Rusiägä oçqıç säfärlärenñ yañadan başlanuı, häm bu dönya belän mönäbätlärne nığıtırğa ber ışanıç bula.

Bolarğa östäp, ütkän atna Azärbaycan tışqı eşlär ministrı Elmar Mamädyarovnıñ Törekmänstağa säfären äytep bula. Ul Distä yıldañ soñ berençe tapqır Törekmänstanğa kilgän azäri räsmie ide. İke il arasındağı mönäsäbät Kazpia dingezendä neft çığaru tarmağınıñ kontrol itü mäsäläse arqasında kiselgän ide.
XS
SM
MD
LG